De Utrolige Årene

Programmet blir tilbode foreldre som har barn i alderen 1–3 år og strekker seg over 13 veker.

Småbarnsprogrammet har som mål å hjelpe foreldre som har vanskar i samspel med barn i alderen 1–3 år. Foreldra lærer å gi god utviklingsstøtte til barna gjennom å etablere gode og positive relasjonar, og gjennom å skape eit miljø der barnet kjenner seg trygt og varetatt.

Første del av programmet har tema som bidrar til å utvikle eit positivt samspel mellom foreldre og barn i leik, og dessutan korleis foreldre kan oppmuntre barnet til å lære språk, lære begynnande sosiale ferdigheiter og å bli kjente med sine eigne kjensler. Det fokuserer på korleis foreldre kan motivere barn til læring gjennom oppmuntring, ros og spontane påskjønningar.

Vidare blir gode rutinar vektlagde ved legging, avskil og gjensyn  og korleis foreldre kan gi gode beskjedar som legg til rette for samarbeid mellom foreldre og barn. I programmets siste del lærer foreldre positive grensesettingsstrategiar.

Dette programmet kan givast til foreldre med barn som utviser moderat grad av vanskar i 14 veker eller som behandlingstiltak for barn med alvorlege og/eller samansette vanskar (ofte åtferdsvanskar og ADHD) i 18–20 veker.

Barn med meir omfattande problematikk kan ofte vise trass, grenseutprøvande åtferd, ha vanskeleg for å regulere frustrasjon og sinne og vil også ofte ha ei åtferd prega av uro, impulsivitet og lite uthald.

Målsettinga med å gi DUÅ som behandlingstilbod, er å hjelpe foreldre til å utvikle ferdigheiter der dei kan sampille med barnet på måtar som er meir positive, formålstenlege og utviklingsstøttande.

God utviklingsstøtte frå nære vaksne kan førebygge utvikling av negativt samspel og åtferdsvanskar hos barnet på lengre sikt. 

Første del av programmet handlar om å bygge gode relasjonar mellom barn og foreldre, gjennom barnestyrt leik og korleis foreldre kan øve seg på å gi utviklingsstøtte med tanke på omgrepsutvikling, emosjonskompetanse, emosjonsregulering og sosiale ferdigheiter.

Vidare blir det fokusert på korleis foreldre via ros, oppmuntring og påskjønning kan motivere barnet. Ved å ha gode daglege rutinar, gi gode beskjedar og gi proaktiv støtte i overgangar, kan  det førebygge at vanskelege situasjonar oppstår og sikre eit godt samarbeid med barnet.

På slutten av programmet lærer foreldre korleis dei kan møte negativ åtferd hos barnet ved bruk av konsekvensar, oversjå merksemdsøkande negativ åtferd og bruk av strategiar for at barnet kan å roe seg ned ved aggressiv eller utagerande åtferd.

Programmet består av 14–22 vekevise møte (avhengig av om det er eit førebyggande tiltak eller behandlingstiltak) og tar sikte på å styrke ferdigheiter hos foreldre som har barn i alderen 6–12 år. Det bygger på same prinsipp som er beskrivne i programmet for førskolebarn, men med tilpassingar av tema i forhold til eldre barn.

Alle foreldre som er med på foreldrerettleiingskurs, får låne boka «Utrulege småbarn. Ein rettleiar til oppdagingsferda til småbarnet i livet» av  Carolyn Webster-Stratton. Boka blir brukt aktivt under kurset.

Dette programmet blir gitt som behandlingstilbod til barn som har alvorlege åtferdsvanskar og/eller samansette vanskar (ofte åtferdsvanskar og ADHD) i spesialisthelseteneste eller til barn som er i risiko for å utvikle vedvarande åtferdsvanskar. Det kan også nyttast som målretta tilbod i skole eller barnehage ved for å styrke barn med begynnande sosiale, emosjonelle eller åtferdsrelaterte vanskar . Dinosaurskole i smågruppe består av cirka 20 gruppesamlingar, der kvar samling varer to timar. Gruppa består av 6 barn i alderen 4–8 år.

Målet med Dinosaurskole i smågruppe er å styrke den emosjonelle og sosiale kompetansen til barna, evne til sjølvregulering og styrke sjølvbildet og opplevinga til barna av meistring. Barna øver på å kjenne igjen og forstå kjensler hos seg sjølve og andre, ta andres perspektiv, utvikle betre ferdigheiter til problemløysing og konflikthandtering i tillegg til sinnemeistring og sjølvkontroll.

Barna øver også på sosiale ferdigheiter som å lytte, spørje, ta kvar sin tur, dele, byte, hjelpe og samarbeide. Det blir også øvd på å betre impulskontroll som å kunne vente og ta tur, og det å kunne konsentrere seg om oppgåver og aktivitetar over tid.

Ein øver på dei ulike ferdigheitene gjennom samtale omkring videoklipp, gjennom leik og øvingar, bruk av store handdokker, og ved tilrettelagde aktivitetar knytte til dei ulike temaa. Barna har også heimeoppgåver mellom kvar samling som dei skal gjere saman med foreldra.

Barnehage eller skole blir også invitert til eit samarbeid omkring det aktuelle barnet i løpet av gruppeløpet og får jamleg informasjon om temaa det blir jobba med på Dinosaurskolen og i foreldregruppa.