Intensivregisteret er eit nasjonalt medisinsk kvalitetsregister som systematisk samler inna data og statistikk frå dei fleste sjukehus sine intensiv- og overvakingsavdelingar i Noreg.
Medisinske kvalitetsregistere med nasjonal status tildelt av Helsedirektoratet har heimel i forskrift om medisinske kvalitetsregistre § 3-2, for å samle inn nødvendige og relevante helseopplysningar om intensivpasientar i Noreg. Denne informasjonen vert brukt til forsking og utvikling av intensivmedisinen både nasjonalt og internasjonalt.
Norsk intensivregister er underlagt og blir drifta av Helse Bergen, Haukeland universitetssjukehus. Difor vert informasjon sendt ut herfrå, eller du må henvende deg til Helse Bergen for å oppnå kontakt med registeret. Det betyr at du ikkje treng å ha vore pasient ved ei intensiv- / overvakingsavdeling på Haukeland universitetssjukehus for å blir oppført i registeret. Du kan ha vore innlagt på ei intensiv- / overvakingsavdeling ved eit anna sjukehus andre stader i landet.
Vi ynskjer å gjere deg som pasient/pårørande særskildt merksam på at opplysningane som vert lagra i registeret ikkje er det same som pasientjournalen din. Journalnotat, sjukepleienotat, blodprøvesvar, undersøkingar, resultater og anna knytta til sjukehusopphaldet, ikkje er å finne i registeret. For å få utlevert desse opplysningane må du kontakte den aktuelle avdelinga du har vore innlagd ved.
