Mikrobiologisk avdeling

Akkreditering

Avdelinga blei akkreditert 25. august 2015 etter NS-EN ISO 15189: Medisinske laboratorier. Krav til kvalitet og kompetanse av Norsk Akkreditering med registreringsnummer TEST 290. 

Les meir om omfanget av akkrediteringa her

In vitro diagnostisk utstyr (IVDR) og eigenproduksjon av medisinsk utstyr

Medisinsk utstyr som omsettast i EU og EØS skal tilfredstille spesifikke krav. Krava er definert i Medical Device Regulation (MDR, EU 2017/745) og In Vitro Diagnostic Device Regulation (IVDR, EU 2017/746). 

Medisinske laboratorium kan produsere medisinsk utstyr sjølv ved å bruke in house-unntaket (beskrive i IVDR, Kapittel II, artikkel 5, punkt 5). 

Ved å oppfylle krava i in house-unntaket kan Mikrobiologisk avdeling fortsatt produsere IVD-utstyr til eige formål.

Celler og vev

Mikrobiologisk avdeling er godkjend til å utføre smittetesting på prøver av donorer av humane celler og vev etter Forskrift om krav til kvalitet og sikkerhet ved håndtering av humane celler og vev.

Gades institutt blei oppretta i 1912 ved ei gåve frå dr. med. Fredrik Gerhard Gade på 150.000 kroner til oppretting og drift av eit patologisk anatomisk laboratorium som er knytt til Bergen Sjukehus. 

Namnet blei dr. F. G. Gades patologisk anatomiske laboratorium i Bergen. I 1936 blei laboratoriet delt i ei avdeling for bakteriologi og ei avdeling for patologi, Avdeling for mikrobiologi og immunologi (AMI) og Avdeling for patologi.

Avdelingane var samlokalisert fram til 1963. Da flytta AMI til Armauer Hansens Hus. Seinare flytta Avdeling for patologi inn i Sentralblokka.

I 2009 endra AMI namn til Mikrobiologisk avdeling (MIA) og flytta inn i Laboratoriebygget. I dag er avdelinga ein del av Laboratorieklinikken.

Mikrobiologisk avdeling sender ikkje lenger med MSIS-meldeskjema med prøvesvar til rekvirentane. Elektronisk meldeskjema er integrert i dei fleste journalsystem.

På heimesidene til Folkehelseinstituttet er meldeskjema tilgjengeleg for utskrift og elektronisk utfylling – sjå lenker nedanfor.

Nummererte meldeskjema for anonymt meldepliktige sjukdommar, vil framleis sendast med prøvesvaret. 

MSIS meldeskjema, nominativ melding om smittsomme sykdommer

MSIS meldeskjema, tuberkulose 

Mikrobiologisk diagnostikk er svært avhengig av riktig prøvetaking. Val av utstyr og transportmedium avheng av kva slags agens ein leiter etter. 

Informasjon om val av transportmedium, finst under kvar enkelt analyse i Analyseoversikten. Her finst informasjon om mikrobiologisk prøvetaking.

Rettleiingar prøvetaking

Prøvetakingsutstyr til mikrobiologiske undersøkinger (PDF) 

Rettleiing for pasientar som skal ta prøve av avføringa (PDF)