Senter for nukleærmedisin og PET

Nukleærmedisin er kort fortalt bruk av åpne radioaktive stoff for diagnostikk og terapi. 

Senter for nukleærmedisin og PET inkluderer eit radiokjemisk laboratorium med ein partikkelakselerator, ein såkalla syklotron, til produksjon av radioaktive isotopar. Legemiddelet med radioaktive isotopar som vert nytta ved dei fleste PET/CT-undersøkingane ved senteret kallast F-18 FDG, dette er radioaktivt merka druesukker.

Det radioaktivt merka druesukkeret vil bli injisert i kroppen til ein pasient om lag ein time i forkant av undersøkinga. Ved å la druesukkeret bli teke opp og fordelt i kroppen, noko som normalt tek om lag 45 minutt, vil legane som studerer bileta frå PET/CT-undersøkingar kunne identifisere unormal aktivitet i kroppen og dermed gjev dette forbetra diagnostisering av til dømes kreftpasientar.

PET har i løpet av dei siste par tiåra vist seg å vere eit veldig kraftfullt verktøy innan medisinsk forsking, diagnostikk og behandlingsplanlegging.

Les meir om radioaktivt merka druesukker 

Senterleiar
Cecilie Brekke Rygh 

Medisinsk ansvarleg 
Martin Biermann, professor, overlege