logo

Behandling, Ptose, engelsk ptosis

Augelokk: Hengande øvre augelokk

Ptose betyr nedhengande øvre augelokk som kjem av at muskelen eller sena som skal løfte augelokket er svak.

Introduksjon

Ptose kjem oftast med alderen, men kan også vere medfødd eller eit symptom ved visse nervelidingar. Tilstanden kan vere så uttalt at augelokkskanten dekker pupillen slik at sidesynet blir betydeleg innskrenka.

Før

Du kan ete normalt og ta vanlege medisinar. 

Unntak

Pasientar som får blodtynnande som førebyggande (og som ikkje har hatt hjerne- eller hjarteinfarkt før):
Dei blodfortynnande medisinane Albyl-E, Plavix og Asasantin Retard skal ein ikkje ta seinare enn 10-14 dagar før operasjon. Medisinane Marevan og Pradaxa skal ikkje takast seinare enn 3 dagar før operasjon. Dersom du har kunstig hjarteklaff, ta kontakt med din eigen lege for spesialdosering. Du må då ha erstatningsblodtynnande (Fragmin-sprøyter).
Pasientar som har hatt (sjølv om det er lenge sidan) hjerne- eller hjarteinfarkt skal som ein hovudregel ikkje slutte med blodtynnande medisin før denne typen lettare kirurgi. Desse pasientane skal altså bruke blodtynnande medisin som vanleg, og heller leve med større blåmerke.
Dersom du tar annan blodfortynnande medisin enn dei som er nemnde her, kontakt eigen lege for dosering. 

Du må møte utan sminke, parfymar og større smykke.

Under

Sjukepleiar gir deg bedøvande dropar i begge auga og huda rundt auga blir desinfisert. Du får tilbod om å ta roande tablett slik at du slappar godt av under inngrepet. Hovudregelen er at ein opererer eitt auge om gangen, slik at du får ny time til ein eventuell operasjon av auge nummer to.

Om lag 20% av operasjonane for ptose endar ikkje med den høgda som pasient og kirurg ønskjer, sjølv når inngrepet blir utført av erfaren kirurg. Muskeleffekten er ikkje lett å føresjå og nervestyringa av dei to øvre lokka er bundne saman i ei «samkøyring» (Herrings lov). Re-operasjon kan difor nokre gonger bli nødvendig.

Legen teiknar snittlinjene på augelokkshuda.

Området rundt auga blir dekka med steril duk.  Legen vil sette lokal bedøving i augelokka. Dette kan vere noko ubehageleg, og du kan kjenne at det svir og pressar på, men etter ei lita stund kjenner du ingen smerter.

Dersom det er overflødig hud på augelokk, kan den fjernast under same operasjon. Augelokksmuskel blir stramma opp. Huda blir sydd med ein tynn tråd. 
Operasjonen tar om lag 1,5 time, og det er viktig at du ligg roleg. Vi hjelper deg til rette undervegs.
Sting blir fjerna etter 7 dagar, hos eigen fastlege eller på Augepoliklinikken.

Etter

Operasjon gir heving og misfarging (gul/blå) av huda. Dette er heilt normalt og vil forsvinne etter 2-3 veker. For å redusere dette, kan du legge eit tørt kjølig omslag over auga i 15-30 minutt om gangen 3-4 gongar i løpet av operasjonsdagen. Du kan for eksempel bruke ein pose frosne erter pakka i eit handkle. Det blir noko vanskeleg å lukke det opererte auget heilt i eit par dagar, men dette går over etterkvart.

På operasjonsdagen må du ta det med ro. Du bør helst sitte eller ligge med hovudet høgt. Den første natta bør du sove med hovudet høgt (fleire puter under hovudet). Det er ikkje tilrådeleg å køyre bil.

Ein kan oppleve smerter/ubehag etter operasjon. Ta vanleg smertestillande, for eksempel Paracet.

Du bør ikkje bøye deg langt framover. Unngå hard fysisk aktivitet i ei vekes tid.

Unngå å klø og gni på huda, og hald såra tørre. Vær forsiktig med dusj og hårvask for å unngå at det kjem skyljevatn i såret. Augesminke anbefalast ikkje før stinga er fjerna.
Dersom du treng sjukemelding, får du det etter operasjonen.

Ver merksam

Bløding og infeksjon førekjem sjeldan. Dersom det likevel oppstår ei bløding du ikkje får stansa med kalde omslag, eller dersom såret blir raudt, varmt og irritert, må du oppsøke lege eller ringe Augeavdelinga på 55 97 41 00.

Kontakt

Augebygget Augeavdelinga

Kontakt Augeavdelinga

Oppmøtestad

Ekspedisjonen i Augebygget i 1. etasje kl. 08.00-15.30

Øyeblikkeleg hjelp: 
Vekedagar kl. 07.30-19.00 Augebygget i 3. etasje.
Kveld etter kl. 19.00 og helg: Akuttmottak i Sentralblokka. 

Augebygget

Jonas Lies vei 72

5053 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

​Beklageleg er det avgrensa parkering utanfor avdelinga, men det finnast handicap-parkering der og det er mogeleg å sleppe nokon av. Parkeringsplassar finnast på Haukeland universitetssjukehus sitt hovudområde.  Det er viktig at du bereknar god tid, slik at du kan finne ein parkeringsplass før timen hos oss.

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.

 

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Daglegvarebutikkar i nærområdet:

Rema1000 Haukelandsveien
Omlag 10 min gange frå Sentralblokka
Måndag - fredag: kl. 06.30 - 23.00
Laurdag: kl. 06.30 - 23.00 

Kiwi Kronstad
Omlag 10 minutts gange frå Sentralblokka
Måndag - fredag: 06.30 - 23.00
Laurdag: kl. 08.00 - 23.00

Bunnpris Møllendalsbakken
Omlag 15 minutts gange frå Sentralblokka. Søndagsåpen
Måndag - fredag: kl. 08.00 - 23.00
Laurdag: kl. 08.00 - 22.00
Søndag: kl.  08.00 - 23​.00 

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. 

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.