Vi tilrår at du alltid nyttar siste versjon av nettlesaren din.

Blodprøve hos barn

Ved blodprøve tappar vi litt blod frå barnet i små prøverøyr. Vi undersøkjer blodet for å få eit bilete av kva som skjer i kroppen. Ein blodprøve blir teken for å finne normale eller sjuklege forhold i kroppen.

Blodprøveglass på blå bakgrunn
Blodprøvar hjelper legen med å finne ut korleis kroppen har det.

Førebuing er viktig

Vi har flinke og erfarne prøvetakarar med gode prosedyrar for blodprøvetaking på barn. Saman med oss kan du vere med på å gjere opplevinga av blodprøve så god som mogleg for ditt barn. At barnet får ei god oppleving med blodprøvetaking, har også betydning for barnet ved framtidige møte med helsetenesta.

Viktig å hugse

  • Snakk med barnet om kva som skal skje på førehand.
  • Bruk gjerne lokal smertelindring i begge armkrokar der blodprøven blir tatt. Lokal smertelindring finst som bedøvingskrem eller -plaster (EMLA) og de kjøper dette sjølv på apoteket.
  • Prøvane blir som regel tatt i armkroken, og ikkje som fingerstikk.
  • Sett av god tid, gjerne ein time, til heile besøket på sjukehuset.
  • Dersom du sjølv er redd for å ta blodprøvar, kan det vere lurt at nokon andre følgjer barnet. Barnet vil merke om du er redd eller stressa, og kan dermed bli redd sjølv.

 

Blodprøvar hjelper legen med å finne ut korleis kroppen har det. Blodet blir undersøkt i eit laboratorium. Der kan vi studere antal blodceller og samansettingar av ulike biokjemiske stoff. Vi kan òg bruke blodprøven til å sjå om barnet har fått i seg legemiddel eller giftstoff.

Blodprøvar kan vise om du er frisk eller om du har behov for hjelp til å bli frisk.

Blodprøvar blir laga ved laboratoriet på sjukehuset. Der er det mange dyktige blodprøvetakarar som er ekspertar på å både ta og analysere blodprøvar.

Ventetida kan variere, så det er lurt å berekne god tid. Ventetida kan nyttast til å førebu barnet på prøvetakinga.

Når de kjem til prøvetakingsrommet, skal barnet få sitje på ein spesiell stol. Anten åleine eller på fanget til pårørande. Vi vil foreslå kva som passar best. De blir bedne om å oppgi fullt namn og fødselsnummer.

Blodprøvar kan vi lage anten frå fingeren eller armen, som regel i armkroken. Prøvetakar vel det som er best.

Prøvetakar festar ein strikk rundt armen for å kunne sjå blodårane. Strikken heiter stase og strammar litt rundt armen. Stasen blir losna i det blodet kjem i prøverøyret.

Før prøvetakinga vaskar vi området på armen med ein spritserviett. Deretter bruker vi ei lita nål som heiter butterfly for å lage eit lite stikk på armen. Blodet går inn i nåla, gjennom ein slange og inn i prøverøyret. Av og til er det eitt prøverøyr som skal fyllast, og andre gonger fleire. Barnet si oppgåve er å halde armen heilt i ro – du som pårørande kan hjelpe med å støtte barnet. Når blodprøven er ferdig blir nåla tatt ut og barnet får ein bomullsdott på armen. Så er det tid for premie!

Under kan du sjå ein video om korleis blodprøvetakinga skjer.

 

Før

Førebu barnet på blodprøvetaking

Barn som er godt førebudde, blir mindre engstelege og stressa. Ved å gi informasjon tilpassa alderen kan barn oppleve tryggleik og meistring når dei kjem til blodprøvetaking.

For barn frå rundt eitt til fem år kan det å lese ei barnebok eller sjå ein film med forteljing om blodprøve vere ein god måte å førebu barnet på.

For barn frå seks år og oppover, som kjenner til «å hoppe paradis», kan det vere ein leiken måte å forklare korleis blodprøvetaking går føre seg. De kan «hoppe» dykk gjennom dei ulike stega saman.

  1. Reise til sjukehuset og ta på bedøvingskrem/plastar.
  2. Innsjekk og kø-system.
  3. Vente på venterom (førebu seg og leike). Ta av bedøvingskrem/plaster.
  4. Gå til prøvetakingsrom – oppgi fullt namn og fødselsnummer til prøvetakar.
  5. Sitje i stol. Vaske arm. Strikk rundt armen.
  6. Nål blir ført inn – halde armen i ro – små røyr blir fylte.
  7. Fjerne nål og ta på plaster.
  8. Ferdig! Få premie.
  9. Reise heim og vente på resultatet.
Paradis man kan hoppe på som er tegnet samme med emojis.
Førebu gjerne barnet ved å gå gjennom stega ved blodprøvetaking saman.

Ved førebuingar til blodprøve kan de vere merksame på korleis de snakkar om blodprøvar.

  • Snakk heime om korleis ei blodprøve blir teken. Svar på barnet sine spørsmål, og ver ærleg.
  • Bruk gjerne oppmuntrande og nøytrale ord.
  • Si gjerne «å lage ein blodprøve» i staden for «å ta ein blodprøve».
  • Dersom du sjølv er usikker og redd, så kan kjenslene smitte over på barnet. Unngå til dømes å seie «Eg liker heller ikkje blodprøvar».
  • Fortel barnet at det er viktig å ta blodprøven, at barnet gjer ein viktig jobb for kroppen sin.

Les meir om førebuingar og korleis du snakkar med barn (helse-bergen.no)

Arm med emla-plaster
Lokal smertelindring får du kjøpt på apoteket anten som bedøvingskrem eller -plaster (EMLA).

 

Det kan vere lurt å snakke om kven som skal gjere kva under prøvetakinga. Til dømes om barnet skal sitje på fanget eller haldast i handa. De kan også bli samde om kva du som pårørande skal gjere, til dømes halde barnet i handa og gi ros. Jobben til prøvetakaren er å støtte armen og lage blodprøva. Barnet si oppgåve er å sitje heilt i ro under prøvetakinga.

Leik kan brukast til førebuing (og til å omarbeide), sidan leik hjelper barnet med å uttrykkje og handtere kjensler. Øv dykk gjerne til blodprøven ved å leike. For små barn kan det å lese ei forteljing om eit barn som tek ein blodprøve vere ein god måte å førebu seg på.

Det kan vere ein fordel å bruke smertelindring som bedøvingskrem eller -plaster. Det kan kjøpast på apoteket og skal plasserast i armkroken der blodprøven skal takast. Det er ønskjeleg at bedøvingskrem/-plaster blir nytta på begge armar.

Kremen/plasteret må sitje på i omtrent 1 time før det verkar, og må takast av seinast 15 minutt før blodprøva skal takast.

Nokon synest det kan vere litt ubehageleg å ta av plasteret, så eit alternativ er å bruke krem med eit plaster fritt for lim eller liknande. Kremen/plasteret bedøver huda og reduserer smerta knytt til prøvetakinga.

 

Bruk gjerne oppmuntrande og nøytrale ord – sjå denne tabellen for gode tips til kva ein kan seie.

Under

De møter ein bioingeniør eller helsesekretær som skal ta blodprøva. Av og til kan det vere to personar – ein som støttar armen og ein som tek blodprøva. Ha det fulle namnet og fødselsnummeret til barnet klart, dette må de gi til prøvetakar. 

Fortel gjerne prøvetakar om de har nokre tidlegare opplevingar med blodprøvetaking.

Små barn vil gjerne sitje på fanget, medan eldre barn gjerne vil sitje i stolen og heller halde pårørande i handa. Fysisk kontakt gir meir tryggleik. Prøvetakar vil føreslå kva som passar best. Nokre barn vil gjerne sjå på blodprøvetakinga, medan andre gjerne vil sjå vekk eller på noko anna.

Ha tillit til at ditt barn kan klare det saman med deg. Unngå å fokusere på at det skal skje noko farleg – anerkjenn heller kjenslene til barnet ved å til dømes seie «Eg ser at du er redd, men eg er med deg og vi skal klare det saman». Ver merksam på ditt eige kroppsspråk, då barnet vil sjå på deg og vurdere situasjonen.

Dersom barnet ditt kjenner seg utrygg i situasjonen kan det hjelpe å flytte merksemda over på noko anna – til dømes ved å syngje ein song eller sjå ein teiknefilm på mobilen. Å bruke avleiing er veldig effektivt. Dersom det ikkje lykkast med å få tatt blodprøve, kan det vere lurt å ta ein pause. Ein pause kan innebere at barnet og pårørande går seg ein runde og snakkar saman, eller at barnet og pårørande blir samde om å komme tilbake ein annan dag. Fokuser uansett på det positive, og kva de har klart å meistre.

Mor og sønn som sitter på et venterom på sykehuset
Ver merksam på eiget kroppsspråk. Om du sjølv er usikker og redd, kan kjenslene smitte over på barnet.

 

Etter

Ros barnet for å ha gjort ein god jobb for kroppen sin. Dersom barnet ditt har behov for det, kan de snakke om opplevinga. For små barn kan det å leike gjennom opplevinga etterpå vere ein god måte å omarbeide kva som har skjedd.

Å gi ei påskjønning for ein vel utført jobb er ofte ein god ting, til dømes å gjere noko gøy saman, eller noko anna kjekt. Det kan også hjelpe på som motivasjon for å gjennomføre sjølve blodprøva.

Ha alltid fokus på meistring – kva de har klart å gjere – uavhengig av om prøvetaking blei gjennomført eller ikkje.

Nokre barn kan lure på kva som skjer i kroppen når blodet er teke ut. Då kan det vere lurt å fortelje at kroppen er smart, at han lagar nytt blod igjen.

Resultatet får du som pårørande – via Helsenorge eller fastlegen.

Gutt som velger en leke på et bord.
Ei påskjønning for vel utført jobb kan hjelpe som motivasjon for å gjennomføre sjølve blodprøven.

 

Sist faglig oppdatert 20.05.2026

Kontakt

  • Kontakt Poliklinikk for prøvetaking i Glasblokkene

    Oppmøtestad

    Glasblokkene er lokalisert nord for Sentralblokka på Haukelandsområdet. Poliklinikk for prøvetaking er i Blokk 6, 1 etg. 

    Fra hovudinngang fra bakkeplan: Følg skilting til blokk 6 og deretter mot Laboratoriet.

    Åpningstider

    • I dag 08:00 - 15:00

    Transport

    Glasblokkene er lokalisert nord for Sentralblokka på Haukelandsområdet. Hovudinngang til resepsjonen finn du på forsida av bygget. 

  • Kontakt Øyre- nase -halsavdelinga, barn og unge
    Bygning med store glassflater

    Glasblokkene

    Haukelandsbakken 1

    5021 Bergen

    Finn fram
    Flyfoto av Sentralblokka

    Sentralblokka

    Haukelandsveien 22

    5021 Bergen

    Finn fram

    Gamle hovedbygg

    Jonas Lies vei 71

    5053 Bergen

    Finn fram

    Transport

    ​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
     
    ​​​​​​På nettsidene til Skyss.no finn du bussruter med oversikt over stoppestader og tider
     
    • Line 5 og 6 har avgang frå Festplassen
    • Line 12 har avgang frå Bystasjonen
    • Line 16E har avgang frå Xhibition i Småstrandgaten
    ​Busstoppa rundt Haukeland:

    • Ulriksdal for besøkande til Ulriksdal helsepark og Glasblokkene (line 5, 6, 16E)
    • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
    • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
    • Ibsensgate - arbeidsruter

    ​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

    Sjå rutetabellar og oversikt over stoppestader på Skyss.no

    Sjekk nettsida til Flybussen for meir informasjon om ruter og prisar

     

    Det er to HC-parkeringsplassar ved Glasblokkene. ​På grunn av byggearbeid er det elles begrensa med parkeringsplassar.

    Besøkande parkerer på parkeringsdekket i Sentralblokka. Her er det også fleire HC-parkeringsplassar.

    Meir informasjon om parkering på Haukeland universitetssjukehus 

    Ein kan gå mellom Sentralblokka og Glasblokkene innandørs via tunnelsystemet.

    Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

    ​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

    ​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
     

    Reiseutgifter
    Som regel gjennomfører du reisa di på eiga hand og søker om å få dekt reiseutgiftene i etterkant.
    Les meir om å få dekt ei pasientreise

    Planlegging
    I utgangspunktet vel du sjølv kva transportmiddel du reiser med til behandling.
    Les meir om planlegging av pasientreisa di

    Rettar/Rettane dine
    Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
    Les meir om rettane dine ved pasientreiser

    Tilrettelagt transport
    Helseekspressen
    Avdeling for pasientreiser i Helse Bergen ​

    ​I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

    Praktisk informasjon

    I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

    Meir informasjon om sjukehusapoteket i Sentralblokka

    Opningstider
    Måndag-fredag kl. 08.30-17.00

    Telefon 55 97 53 44
    Telefaks 55 29 07 40
    bergen@apotekene-vest.no

    Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

    Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

    Apoteket tar også i mot gamle legemiddel til destruksjon.​

    Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

     

    Når du skal på besøk eller følgje ein pasient på sjukehuset, må du gjere deg kjent med gjeldande rutinar.

    ​Les meir om besøkstider og -reglar på sjukehuset

    Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


    Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

    Meir informasjon på helse-bergen.no/frivillig

    Kontaktinformasjon: 

    I innkallingsbrevet ditt står det kor du skal møte på sjukehuset. Dei aller fleste får også ein SMS for ankomstregistrering same dag som timen er. Du kan velge å velge å sjekke inn via SMS på mobilen, eller på sjølvbetjeningsautomat i Glasblokkene.

    Dei pasientene som treng eller ønsker det, får hjelp hjelp i resepsjonen.

    Når pasienten har sjekka inn, enten via mobil eller på automat, får du SMS med referansekode som viser kva ven​​tesone de tilhører. Du vil alltid få ein SMS for innkalling til rom/sted.

    Når timen er over og oppgjøret tatt, får pasientene mulighet til å betale egenandel mm. via Vipps, eller å få tilsendt regning i posten eller nettbanken. 

     

    Du treng ikkje å sitte utanfor behandlingsrommet å vente. Både vaksne og barn kan vente både ute og inne. I inngangsetasjen er det leikerom, lounge, kafé og fleire opphaldsareal. Det er også eit stort leikerom til venstre for den store trappa i U1.  


    Ventesonene nær behandlingromma er godt merka. Du vil få SMS om å gå til ventesona når det nærmar seg timen.  

    Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

    Les meir om mattilbodet ved sjukehuset

    I Glasblokkene 5-8 er det ein hovudresepsjon i 1. etasje som betener alle pasientar, pårørande og besøkande til Glasblokkene. Hovudresepsjonen er betent alle dagar frå kl. 07.00 - 21.00. Helg og heilagdager er resepsjonen betent frå 07.30 - 21.00. Her kan du få hjelp til innsjekk, å finne fram, bestille tolk, transport og mykje meir.

    I tillegg til hovudresepsjonen er det ein ekspedisjon i tilknyting til mottaket i U1. Denne har ope alle kvardagar kl. 07.00 - 22.30, og frå 08.00 til 22.30 i helg/heilagdagar

    Resepsjonen i blokk 1-4 er gjort om til base for vektarar frå hospitaldrift, og er bemanna med vektar 24/7. Her er vektar tilgjengeleg for pasientar og besøkande for enklare førespurnadar og spørsmål.

    Telefon resepsjon: 55 97 50 00

    I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

    ​​​​​​​​Besøke pasientar
    Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

    Betale eigendel
    Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

    Bestille drosje
    Om du ønskjer det, hjelper vi deg gjerne med å bestille drosje. Berre ta kontakt i resepsjonen.

    Leitar du etter ei avdeling?
    ​Sjå avdelingsoversikta

    Resepsjonen i foajeen i Sentralblokka er døgnbemanna og hjelper deg i tillegg med:

    Lån av rullestol
    Resepsjonen låner ut rullestolar til bruk på sjukehuset. For lån av rullestol er det 200 kroner i depositum. ​

    Følgeteneste
    Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

    Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

    Oppbevaringsboksar
    Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

    Hittegods
    Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.​​

    Alle pasientar og besøkande kan bruke gratis trådlaust internett på dei fleste områda på sjukehuset.

    Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

    1. Koble deg til det trådlause gjestenettet (gjest.ihelse.net)
    2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
    3. Trykk "Godta" når du har lest og forstått vilkåra.

    Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

     
    Trøbbel med å kople til trådlaust internett?
    Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
     
    Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.