Vi tilrår at du alltid nyttar siste versjon av nettlesaren din.
Keratokonus
Keratokonus er ei gradvis utposing av hornhinna som oppstår på grunn av redusert styrke i hornhinnevevet. Dette inneber forandring i forma til hornhinna og kan vere opphav til store brytingsfeil, noko som igjen fører til aukande svekking av synet. Vanlegvis oppstår keratokonus i tenåra, men kan også oppdagast eller forverrast etter hornhinnekirurgi (som LASIK) eller i samband med graviditet.
Symptom
Dei første teikna på keratokonus er at ein ser uskarpt og byrjar å myse. Briller kan i første omgang betre synet, men brillestyrken kan forandre seg relativt raskt, særleg det som har med skeivskap (astigmatisme) i hornhinna å gjere. Du kan få hovudverk og ubehag i auga utover dagen. Nokon klør seg også meir enn vanleg i augeregionen, og dette kan kanskje framskunde sjukdommen.
Sjølv om rette briller betrar synet tidleg i utviklinga av keratokonusen, vil nokon merke at det dei ser på blir litt «skeivt» og at lys i mørke ofte får ein uvand og sjenerande strålekrans rundt seg, til dømes frå møtande billys.
Kva forårsakar sjukdommen?
Ein kjenner ikkje årsaka til at nokon får keratokonus. Arv speler ei rolle hos nokon og ein meiner også at dei som gnir seg mykje i auga, som allergikarar, får sjukdommen oftare. Keratokonus er noko vanlegare hos menn enn hos kvinner.
Utgreiing
Tidleg i utviklinga av sjukdommen får ein behov for briller med korreksjon for skeiv hornhinne. Dersom skeivskapen i hornhinna er stor, aukar eller er «irregulær», gir det mistanke om sjukdommen. Hos nokon kan optikar eller augelege sjå karakteristiske forandringar i hornhinna som gir diagnosen keratokonus. Hos andre er det nødvendig med avansert diagnostisk utstyr (topografi) for å stille diagnosen.
Behandling
For å betre synet bør du få tilpassa kontaktlinser eller briller hos optikar. Vanlegvis vil du få best syn med spesialtilpassa eller harde kontaktlinser. Utviklinga av sjukdommen kan behandlast med kollagen kryssbinding (på engelsk kollasjen cross-linking, forkorta CXL). Dersom kontaktlinser ikkje passar, kan du få endra forma til hornhinna med ringar inne i hornhinna (til dømes INTACS). Dersom sjukdomsutviklinga har komme langt kan det bli aktuelt med ein hornhinnetransplantasjon.
Korleis er forløpet?
Keratokonus har alle grader av forløp, frå mild grad kvar diagnosen blir tilfeldig oppdaga og han ikkje utviklar seg til alvorleg grad der ein treng ein hornhinnetransplantasjon. Utviklinga går som regel raskare i tenåra, og har vanlegvis stoppa opp ved 30–års alderen.
I milde tilfelle trengst verken briller eller kontaktlinser, medan i moderat og uttalt grad trengst briller og/eller kontaktlinser. Dersom keratokonus i mild til moderat grad blir oppdaga og han er i utvikling kan dette stabiliserast med kollagen kryss-binding (CXL).
Oppfølging
Å leve med sjukdommen
Dei fleste lever heilt normalt med keratokonus. Når ein oppdagar sjukdommen bør ein konferere med augelege rundt yrkesval, då enkelte yrke (til dømes flygarar) har særleg strenge krav til syn.
Line 16E har avgang frå Xhibition i Småstrandgaten
Busstoppa rundt Haukeland:
Ulriksdal for besøkande til Ulriksdal helsepark og Glasblokkene (line 5, 6, 16E)
Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
Ibsensgate - arbeidsruter
Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset.
Beklageleg er det avgrensa parkering utanfor avdelinga, men det finnast handicap-parkering der og det er mogeleg å sleppe nokon av. Parkeringsplassar finnast på Haukeland universitetssjukehus sitt hovudområde. Det er viktig at du bereknar god tid, slik at du kan finne ein parkeringsplass før timen hos oss.
Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
Av omsyn til dei som må bruke bil, oppmoder vi derfor dei som kan, til å bruke offentleg transport. Det er også mogleg å parkere på Bystasjonen og ta buss/bane det siste stykket opp til Haukeland.
For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.
Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet. For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.
Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.
Alle pasientar og besøkande kan bruke gratis trådlaust internett på dei fleste områda på sjukehuset.
Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:
Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Trykk "Godta" når du har lest og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar.
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.
