Morsmelkgiver
Pasientar på nyfødt intensiv-avdelingar er sjuke nyfødde og for tidleg fødde barn. For desse barna er morsmjølk det aller beste ernæringsgrunnlaget. Morsmjølka er unikt tilpassa det nyfødde barnets stoffskifte og tarm.
Det er veldig viktig at vi heile tida har morsmjølk frå mjølkegivarar tilgjengeleg, særleg til barn der mor ikkje har komme i gang med amming, eller ikkje kan amme sjølv. Ein morsmjølkgivar er med på å gi desse barna best mogleg ernæring.
Nødvendig utstyr blir lånt ut av morsmjølkbanken.
Som morsmjølkgivar må du:
- Ha lyst til å gjere ein ekstra innsats
- Vere frisk
- Ikkje røyke eller snuse
- Ikkje ha alkohol i kroppen (har du drukke alkohol, må du vente til du ikkje har alkohol i kroppen før du kan pumpe til mjølkebanken)
- Avgrense bruk av koffeinhaldige drikkar, som kaffi, cola og annan brus.
- Ikkje vere fast brukar av medikament eller naturlegemiddel
- Ikkje ha fått tatovering eller piercing dei siste seks månadene
- Ha stabilisert deg i heimemiljøet (frå rundt fire veker etter fødsel)
- Ha meir mjølk enn ditt eige barn treng
Tilvising og vurdering
Du treng ikkje tilvising frå fastlege for å gi morsmjølk. Ta direkte kontakt med din nærmaste morsmjølkbank.
Før
Dersom du ønsker å bli morsmjølkgivar, kontakt nærmaste morsmjølkbank for samtale og informasjon.
Alle som skal gi morsmjølk, må først ta blodprøver som vil bli analysert for antistoff mot cytomegalovirus (CMV), smittsam gulsott type B og C (hepatitt B og C) og HIV.
Det at du har antistoff i blodet betyr at du anten er vaksinert, har vore smitta, eller er i ferd med å få sjukdommen. Det vil bli tatt ei ny blodprøve etter tre månader, dersom du framleis er registrert som givar.
Under
Vask hendene grundig før du startar. Bruk flytande såpe og vask hendene i minst ti sekund. For å unngå bakteriar kan du skru igjen vasskrana med papir etter at du har tørka hendene med det.
Brystvortene vaskar du berre med lunkent vatn og lar dei lufttørke før pumpinga. Ikkje bruk desinfeksjonsmiddel på brystvortene. Det kan gjere dei såre og gi sprekkdanning.
Det er lettast å pumpe seg etter at du har amma. Pump til brystet kjennest mjukt, eller så lenge mjølka renn ned i flaska. Erfaring viser at det kan vere lurt å veksle mellom brysta.
Dersom du pumpar deg før amming, eller bruker eit bryst barnet ikkje har suge av, kan du klemme ut dei første dropane og tømme dei ut. Mjølkegangane vil då bli reinsa for bakteriar før du startar sjølve pumpinga.
Kor mange gonger du kan pumpe deg, er veldig individuelt. Prøv å få til ein rutine som passar deg og babyen din.
Kvar gong du leverer mjølk, vil det bli tatt bakterieprøver av den frosne mjølka. Dersom mjølka inneheld for mykje bakteriar, kan den ikkje bli brukt av våre pasientar.
g_f8d0a04a_98ef_43d7_84bf_da7d4526129c
Kvar dråpe er gull verdt.
Vask hendene grundig før du startar. Bruk flytande såpe og vask hendene i minst ti sekund. For å unngå bakteriar kan du skru igjen vasskrana med papir etter at du har tørka hendene med det.
Brystvortene vaskar du berre med lunkent vatn og lar dei lufttørke før pumpinga. Ikkje bruk desinfeksjonsmiddel på brystvortene. Det kan gjere dei såre og gi sprekkdanning.
Det er lettast å pumpe seg etter at du har amma. Pump til brystet kjennest mjukt, eller så lenge mjølka renn ned i flaska. Erfaring viser at det kan vere lurt å veksle mellom brysta.
Dersom du pumpar deg før amming, eller bruker eit bryst barnet ikkje har suge av, kan du klemme ut dei første dropane og tømme dei ut. Mjølkegangane vil då bli reinsa for bakteriar før du startar sjølve pumpinga.
Kor mange gonger du kan pumpe deg, er veldig individuelt. Prøv å få til ein rutine som passar deg og babyen din.
Kvar gong du leverer mjølk, vil det bli tatt bakterieprøver av den frosne mjølka. Dersom mjølka inneheld for mykje bakteriar, kan den ikkje bli brukt av våre pasientar.
g_f8d0a04a_98ef_43d7_84bf_da7d4526129c
Kvar dråpe er gull verdt.
Etter
Reingjering:
Ta utstyret frå kvarandre, vask og skyl under rennande vatn, og kok det i kjele i omtrent fem minutt. Legg det deretter til tørk i eit reint handkle. Tøm mjølka direkte over i boksane og sett på lokket. Dei skal fyllast opp til det er 2–3 cm igjen.
Det er viktig at mjølka blir frose så raskt som mogleg. Ikkje etterfyll på frosset mjølk.
Det er viktig at du set merkelappane på lokket til boksen og skriv på dato for pumpinga.
Hovudregelen er at du kan gi mjølk i inntil åtte månader etter fødselen. Etter dette blir det gjort ein avtale med kvar enkelt givar kor lenge ho kan fortsette. Ved avslutting av morsmjølkdonasjon leverer du tilbake lånt utstyr, slik at morsmjølkbanken har utstyr til neste morsmjølkgivar.
Avansert heimesjukehus (AHS) kan hente morsmjølk heime hos donor etter avtale
- Hentar på dagar og tider der AHS er i nærleiken og tar med til Mjølkebanken
- Dette må avtalast med Avansert heimesjukehus på førehand, på tlf. 469 59 878
- Mjølkebanken har også avtale med Helseekspressen frå Haugesund til Haukeland om at den kan ta med morsmjølk der dette er aktuelt. Mjølka må då leverast på eitt av stoppa bussen har.
- Sjå rutetider og stoppestader
Kontaktinformasjon til Mjølkebanken ved Barne- og ungdomsklinikken
Tlf. 41 86 98 26
melkebanken@helse-bergen.no
Ver merksam
Dersom du eller nokon i din næraste familie blir sjuke, kontaktar du morsmjølkbanken. Ved vanleg forkjøling, dersom du kjenner deg slapp og/eller hostar og nys, tar du ein pause i innsamlinga av mjølk nokre dagar.
Ved visse andre sjukdommar kan du bli bedt om å ta ein pause i mjølkeleveringa eller ta nye blodprøver. Dette gjeld også dersom du får ein ny vaksine. Dette er veldig viktig dersom vi skal kunne gi mjølka di til dei aller minste barna.
Er du usikker, ring morsmjølkbanken du er tilknytt.
Kontakt
-
Kontakt Nyføddintensiv
Oppmøtestad
Glasblokkene, blokk 7, etasje U2
Glasblokkene
Haukelandsbakken 1
5021 Bergen
Transport
Praktisk informasjon
-
Kontakt Fødeavdelinga
Oppmøtestad
Vi held til i Glasblokkene, blokk 5 og 6
Hovudresepsjonen i 1. etasje i Glasblokkene 5-8 er open alle kvardagar frå
07.00 - 21.00, og frå 07.30 - 21.00 i helg/heilagdagarGlasblokkene
Haukelandsbakken 1
5021 Bergen
Transport
Praktisk informasjon