Vi tilrår at du alltid nyttar siste versjon av nettlesaren din.

Operasjonssår - barn og unge.

Informasjon om korleis du steller eit reint operasjonssår når du kjem heim frå sjukehuset. Gjeld ikkje for deg som har kjent infeksjon i såret. Operasjonssår er sensitivt for skade og infeksjon dei første 8–10 dagane.

  • Operasjonssår hos barn og unge er hos dei fleste sydde med tråd som løyser seg opp av seg sjølv. I nokre tilfelle er det sydd med sting eller brukt agraffar (stiftar).
  • Agraffar (stiftar) skal fjernast etter 10 til 14 dagar. Dette blir utført primært hos fastlegen din.
  • I ansiktet blir sting fjerna etter 5–7 dagar. Dette blir utført primært hos fastlegen din.
  • Det er vanleg at det i tillegg til sting eller agraffar er sett sårstrips. Sårstripsa skal sitte på til dei fell av sjølv.
  • Du får kjøpt nye bandasjar på apoteket.

Før

Dersom bandasjen er rein og såret gror fint treng du ikkje å skifte på såret. Vent med bandasjeskift i inntil 24 timar etter operasjonen. Forsterk eventuelt bandasjen ved å legge ein ny på toppen dersom det har blødd gjennom.

Dersom bandasjen det første døgnet blir gjennomtrukken av avføring, kontakt sjukehuset. Bandasje skal skiftast om det siv sårvæske og blod gjennom, den blir skitten, våt eller losnar.

Under

Skift av bandasje

Vask hendene før og etter bandasjeskift. Ikkje ta direkte i såret med hendene.

Det er normalt ikkje behov for å reinse såra kvar gong du skiftar bandasje. Du skal derfor ikkje gjere dette rutinemessig, berre ved mykje fukt og sårvæske eller mykje stivna blod. Slik gjer du det:

  • Bruk sterilt saltvatn og reine kompressar for å vaske varsamt.
  • 48 timar etter operasjonen kan vanleg lunkent springvatn brukast til å reinse for blod og sårvæske.
  • Start med å vaske frå såra og ut til vanleg hud. Dette er for at du ikkje skal dra bakteriar inn i såret.

Du kan dusje 48 timar etter operasjonen. Da dusjar du med bandasjen på. Ta av den våte bandasjen etter at du har dusja.

  • Når du losnar bandasjen, kan det vere ein fordel å strekke huda med ein finger eller to for å unngå drag i operasjonssåret, og dra av plasteret på langs av såra.
  • Har du dusja – la såret lufttørke før du legg på ny bandasje.
  • Ver merksam på forandringar som kan vere teikn på begynnande infeksjon: Aukande smerte/sensibilitet i såret, raude, hevelse, puss eller bløding, lokal varme, såra opnar seg, feber eller nedsett allmenntilstand. Oppstår éin eller fleire av desse tilstandane må du kontakte sjukehuset.
  • Er operasjonsåret over eit ledd – kne, ankel eller olboge – er det ein stor fordel om du bøyer leddet før ny bandasje blir lagd på.

Kor lenge skal du bruke bandasje?

Operasjonssåra skal vere dekte av bandasje i minimum 48 timar og fram til det er tørt. Ein tørr bandasje kan gjerne ligge på operasjonssåra i 7 dagar. For deg som har agraffar/stiftar eller sting som skal fjernast, vil mange føretrekke å ha bandasje på til dei er fjerna, da dei lett kan hekte seg i klede.

Nokon operasjonssår vil vere dekte med ein vasstett gjennomsiktig bandasje (Tegaderm). La denne ligge på i 7 dagar før han blir fjerna. Byt om han losnar. Tegaderm skal ikkje bytast rutinemessig etter dusj.

Bading etter operasjon

Det blir anbefalt at du unngår badekar og bading dei første 14 dagane til såra er grodde og eventuelle sting/agraffar er fjerna.

Etter

 

For deg som har sting som løyser seg opp av seg sjølv, vil nokon oppleve at det sit igjen ein blank tråd med knute som nokre gonger ikkje fell av naturleg. Dersom han framleis sit på etter 2 veker, kan du gjere følgande:

Trekk (lett napping) i tråden ved hjelp av ein pinsett, sjå om han losnar av seg sjølv.

Dersom han ikkje losnar; trekk tråden varsamt opp ved hjelp av ein pinsett, bruk ei rein saks som du legg ned mot huda. Press saksa lett mot huda før du klipper tråden. Tråden vil da trekke seg inn under huda og løyse seg opp der.

Normalt kosthald (mat og drikke) er viktig for at såret skal gro. Frukt, grønsaker, meieri- og kornprodukt, kjøtt og fisk tilfører kroppen vitamin, mineral, feitt og protein som er viktig for heiling av sår. For deg som har diabetes, er det viktig å ha eit så stabilt blodsukker som mogleg.

Røyk og snus reduserer blod- og oksygentilførselen til såret, og er ein av dei største grunnane til infeksjon og dårleg heiling av sår.

For å få eit jamnare og mindre synleg arr, kan du dekke arret på langs med arrteip eller papirteip (for eksempel Micropore) etter at bandasjen er av og sårstripsa har falle av. Skift 1–3 gonger i veka eller dersom teipen losnar. For best effekt bør arra teipast i 3–6 månader.

Arr vil bleiknast med tida, men dette vil ta tid. Det er viktig å verne arret mot soling i tida der arret er rosa. Bruk derfor høg solfaktor, arrteip på arret eller dekk til med klede når du er ute i sola.

Fuktgivande krem gir fukt og kan bidra til eit glattare og finare arr.

Ver merksam

Det er normalt å oppleve smerter i såret dei første dagane og at såret ser fuktig ut. Aukande smerter og lekkasje frå såret kan derimot vere teikn på infeksjon. Oftast oppstår infeksjon mellom dag fem og ti etter operasjonen, men det er viktig å observere teikn til infeksjon i 30 dagar etter operasjonen.

Før utreise er det som regel avtalt om du skal ta kontakt med sjukehus eller fastlege ved teikn på infeksjon.

Sist faglig oppdatert 16.06.2023

Kontakt

Glasblokkene Barnekirurgen

Kontakt Barnekirurgen

Oppmøtestad

Vi held til i blokk 6, 3 etasje i Glasblokkene ved Haukeland universitetssjukehus.  

Alle pasientar som skal leggast inn på Barnekirurgen blir tatt imot i kirurgisk mottak for barn i blokk 6, etasje U1 i Glasblokkene. 


Barn og unge som blir innlagt kan vere knytt til ulike kirurgiske spesialitetar. Har du spørsmål om kommande innlegging eller poliklinikk kan du kontakte sentralbordet på telefon 55 97 50 00 og be om å bli sett over til: 

  • Øyre-nase-hals poliklinikk eller innleggingskontor  
  • Kirurgisk poliklinikk eller innleggingskontor  
  • Plastikkirurgisk poliklinikk eller innleggingskontor  
  • Kjevekirurgisk poliklinikk eller innleggingskontor  
  • Ortopedisk poliklinikk eller innleggingskontor  

Pasientane blir innlagde på Barnekirurgen etter operasjonen.

Bygning med store glassflater

Glasblokkene

Haukelandsbakken 1

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Det er to HC-parkeringsplassar ved Glasblokkene. ​På grunn av byggearbeid er det elles begrensa med parkeringsplassar.

Besøkande parkerer på parkeringsdekket i Sentralblokka. Her er det også fleire HC-parkeringsplassar.

Meir informasjon om parkering på Haukeland universitetssjukehus 

Ein kan gå mellom Sentralblokka og Glasblokkene innandørs via tunnelsystemet.

Det er ein eigen ambulanseinngang med innkøyring frå Jonas Lies vei (vegen mellom Glasblokkene og Sentralblokka). Pasientar som kjem til mottaket for barn og unge til Glasblokkene med bil i akutte situasjonar, kan nytte denne inngangen. Ambulanseinngangen skal berre nyttas for avstiging. Bil må parkerast i parkeringsområdet innanfor.  

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

​Behandlinga av pasientar er sjølvsagt fullt statleg fiansiert, men på førespurnad har Barne- og ungdomsklinikken oppretta ein konto for gåver og donasjonar frå privatpersonar, foreiningar, bedrifter og andre.

Pengane vil bli brukt til å gjere sjukehusopphaldet meir triveleg for pasientar og pårørande ved avdelinga, i form av trivselstiltak som for eksempel konsertar, turar, leikar og utstyr til barna.

Les meir om gåver og donasjonar

I innkallingsbrevet ditt står det kor du skal møte på sjukehuset. Dei aller fleste får også ein SMS for ankomstregistrering same dag som timen er. Du kan velge å velge å sjekke inn via SMS på mobilen, eller på sjølvbetjeningsautomat i Glasblokkene.

Dei pasientene som treng eller ønsker det, får hjelp hjelp i resepsjonen.

Når pasienten har sjekka inn, enten via mobil eller på automat, får du SMS med referansekode som viser kva ven​​tesone de tilhører. Du vil alltid få ein SMS for innkalling til rom/sted.

Når timen er over og oppgjøret tatt, får pasientene mulighet til å betale egenandel mm. via Vipps, eller å få tilsendt regning i posten eller nettbanken. 

 

Du treng ikkje å sitte utanfor behandlingsrommet å vente. Både vaksne og barn kan vente både ute og inne. I inngangsetasjen er det leikerom, lounge, kafé og fleire opphaldsareal. Det er også eit stort leikerom til venstre for den store trappa i U1.  


Ventesonene nær behandlingromma er godt merka. Du vil få SMS om å gå til ventesona når det nærmar seg timen.  

I U2 har Nyføddintensiv ei spisestove for foreldre. I spisestovene er det eigne drikkestasjonar med kaffemaskin, juice, melkedispensar og vatn/isbitmaskin. Både mor, far og søsken kan spise der.

Måltida i spisestoven blir servert: 

Frokost: 08.00-09-00

Lunsj: 11.30-12.30

Middag: 15.00-16.00

Kvelds: 19.00-20.00

Vi oppmoder om at tidene overhaldas så langt som mogleg.

 

Det er også ein kafé i første etasje. Denne er open for pasientar, pårørande og tilsette.

Det er i tillegg sju matautomatar spredt rundt i bygget. Desse vil innehalde eit variert utvalg av fersk og ferdig tilberedt mat.

I Glasblokkene 5-8 er det ein hovudresepsjon i 1. etasje som betener alle pasientar, pårørande og besøkande til Glasblokkene. Hovudresepsjonen er betent alle dagar frå kl. 07.00 - 21.00. Helg og heilagdager er resepsjonen betent frå 07.30 - 21.00. Her kan du få hjelp til innsjekk, å finne fram, bestille tolk, transport og mykje meir.

I tillegg til hovudresepsjonen er det ein ekspedisjon i tilknyting til mottaket i U1. Denne har ope alle kvardagar kl. 07.00 - 22.30, og frå 08.00 til 22.30 i helg/heilagdagar

Resepsjonen i blokk 1-4 er gjort om til base for vektarar frå hospitaldrift, og er bemanna med vektar 24/7. Her er vektar tilgjengeleg for pasientar og besøkande for enklare førespurnadar og spørsmål.

For mor og far: dersom du er usikker på korleis du skal forhalde deg; ta kontakt med sjukeplear for avklaring. 

For andre besøkande - dersom du er sjuk – hald deg heime!

Hygiene - Vi ber alle besøkande om å utvise god handhygiene, som er det viktigaste førebyggjande tiltaket mot infeksjonar. God handhygiene betyr handvask før du rører barnet, i tillegg til å ha nakne armer under albuen. Altså oppbretta genser, av med ringer, klokker eller lange negler.

For å beskytte barn og personale er det strenge reglar for fotografering på Barne- og ungdomsklinikken. Dersom du ønskjer å leggje ut bilete der andre personar er med, må du spørje først. Tenk gjennom kva du legg ut på internett og hugs at det blir verande der også når barnet veks opp. 

​

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. 

​Barn og ungdom t.o.m. 15 år (Innlegging for Diabetes, Epilepsi og IBD går opp til 18 år ved BUK) med mistanke om medisinsk tilstand som treng øyeblikkeleg hjelp, skal tilvisast Barne- og ungdomsklinikken.

Før innlegging er det mogleg å konferere med Pediatrisk bakvakt:
Ring 55975000 og be om å få snakke med bakvakt på Barne- og ungdomsklinikken.

Barn/ungdom som kan køyre i drosje eller privatbil, skal meldast direkte til resepsjonen på BUK:
Ring 55 97 33 93

Barn/ungdom som treng ambulanse, skal meldast via AMK.
Ring 113

Dersom lege eller ambulanse ønsker direkte kontakt med nokon i mottaket for å gi oppdateringar undervegs ring 41701556 (intern 509544) til BUK Ansvarsvakt Mottak.