Kirurgisk serviceklinikk (KSK)

Kirurgisk serviceklinikk (KSK) har ansvar for store delar av tilbodet knytt til anestesi, intensivmedisin, akuttmedisin, postoperativ overvåkning, sterilforsyning , palliasjon og smertebehandling. Ein jobbar også med fagutvikling og aktiv forsking på mange områder. KSK er ein klinikk som samarbeider tett med mange avdelingar i Helse Bergen, og har om lag 1400 tilsette og 1100 årsverk.

KSK er organisert i sju avdelingar: Akuttmedisinsk avdeling (AMA), Anestesilegeavdeling (ALA), Fag- og forskingsavdeling (FFA), Intensiv- og postoperativ avdeling (IPA), Operasjonsavdeling (OPA), Smerte- og palliasjonsavdeling (SMEPA) og Sterilforsyning- og støtteavdeling (SSA).

I kvar avdeling er det seksjonar knytt til drift- og/eller pasientbehandling.
Leiargruppa i KSK består av klinikkdirektør, samt avdelingssjefane for dei sju avdelingane.

Vårt arbeid består av

Ansvar for operasjonsstuedrift og sterilforsyning
Ansvar for narkose og bedøving til kirurgiske inngrep ved sjukehuset
Gi bedøving ved smertefulle undersøkingar og behandlingar
Overvake pasientar etter narkose og undersøkingar som krev overvaking
Intensivbehandling og sjukepleie til alvorleg / kritisk sjuke pasientar etter store operasjoner, alvorlege ulykker eller annan sjukdom
Tverrfagleg vurdering og behandling av pasientar med langvarige/kroniske smertetilstandar og kompliserte akutte smertetilstandar.
Lindrande behandling til alvorleg sjuke og døyande pasientar.
Akuttmedisinsk kommunikasjonssentral (AMK) som har ansvar for medisinsk nødmeldeteneste og resursstyring
AMK er eit knutepunkt både for kommunikasjon mellom det prehospitale miljøet og internt i sjukehuset
Ambulanseeininga har ansvar for all bil og båtambulanseteneste i Helse Bergen
Luftambulansetenesta, der Akuttmedisinsk avdeling er ansvarleg for legebemanninga

Hos oss jobbar blant anna følgjande yrkesgrupper:

Legar med ulik spesialisering (anestesi, intensiv, palliasjon mm.)
Sjukepleiarar og spesialsjukepleiarar (anestesi, operasjon, intensiv, mm.)
Ambulansearbeidarar
Støttepersonale (assistent, portør,sterilforsyningstekniker)
Merkantile
Psykologar

Leiargruppa i KSK består av klinikkdirektør, samt avdelingssjefane for dei sju avdelingane.

Fag og forskningsavdelinga i KSK har overordna ansvar for forsking, innovasjon, kvalitetsforbetring og fagutvikling i KSK. Avdelinga består av fleire forskingseiningar i tillegg til Kompetansesenter for kommunikasjonsberedskap (KOKOM), Intensiv og pandemiregisteret (NIPaR) og Nasjonalt kvalitetsregister for smertebehandling.

Kontakt

Telefon

55 97 23 00

Måndag - Fredag 07:30 - 15:00
Laurdag - Søndag STENGT

Slik finn du fram

Om ikkje anna er oppgitt, gå til ekspedisjonen i 1. etasje i Sentralblokka (SOP)

Sentralblokka

Haukelandsveien 22

5021 Bergen

Finn fram

Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.

På nettsidene til Skyss.no finn du bussruter med oversikt over stoppestader og tider

Line 5 og 6 har avgang frå Festplassen
Line 12 har avgang frå Bystasjonen
Line 16E har avgang frå Xhibition i Småstrandgaten

Busstoppa rundt Haukeland:

Ulriksdal for besøkande til Ulriksdal helsepark og Glasblokkene (line 5, 6, 16E)
Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
Ibsensgate - arbeidsruter

Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset.

Sjå rutetabellar og oversikt over stoppestader på Skyss.no

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

Av omsyn til dei som må bruke bil, oppmoder vi derfor dei som kan, til å bruke offentleg transport. Det er også mogleg å parkere på Bystasjonen og ta buss/bane det siste stykket opp til Haukeland.

For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.

Les meir om parkering på Haukelandsområdet

I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Sjekk nettsida til Flybussen for meir informasjon om ruter og prisar

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

Les meir om besøkstider og -reglar på sjukehuset

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla.

Dei frivillige kan vise veg, vente saman med pasientar, bli med på luftetur i parken eller nærområde - og mykje meir.

Meir informasjon på helse-bergen.no/frivillig

Kontaktinformasjon:

E-post: frivillig@helse-bergen.no
Mobiltelefon: 902 67 193

Daglegvarebutikkar i nærområdet:

Rema1000 Haukelandsveien
Omlag 10 min gange frå Sentralblokka
Måndag - fredag: kl. 06.30 - 23.00
Laurdag: kl. 06.30 - 23.00

Kiwi Kronstad
Omlag 10 minutts gange frå Sentralblokka
Måndag - fredag: 06.30 - 23.00
Laurdag: kl. 08.00 - 23.00

Bunnpris Møllendalsbakken
Omlag 15 minutts gange frå Sentralblokka. Søndagsåpen
Måndag - fredag: kl. 08.00 - 23.00
Laurdag: kl. 08.00 - 22.00
Søndag: kl. 08.00 - 23.00

I 3. etasje i Sentralblokka på Haukeland ligger det to stillerom. På dei to stilleromma kan du vere for deg sjølv med tankane og bønene dine. Romma er alltid ope, og er opne for alle.

Les meir om stilleromma

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar.

Trøbbel med å kople til trådlaust internett?

Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.

Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.

Her finner du råd dersom du har trøbbel med trådlaust internett