Vi tilrår at du alltid nyttar siste versjon av nettlesaren din.
Akne
Akne (kviser) er ein vanleg hudsjukdom, særleg i ungdomsåra. Lett til moderat akne blir behandla av fastlege, først og fremst med lokale middel som blir påsmurde huda direkte, eventuelt med tablettkurer (antibiotika). Dette gjeld dei fleste pasientane med akne.
Kviser er vanligst blant tenåringer, men kan også ramme voksne. Opplever du kvisene som skjemmende, finnes det behandlinger som kan hjelpe.
Alvorleg akne går djupare i huda og kan føre til varig danning av arr. Ved denne typen akne er tidleg tilvising til hudlege viktig sidan det kan vere aktuelt med behandling med Isotretinoin.
Det er først og fremst ved alvorleg akne det er aktuelt med tilvising til hudlege. Denne informasjonen omfattar derfor hovudsakleg behandling med Isotretinoin.
Tilvising og vurdering
Fastlegen sender tilvising til hudlege, vanlegvis etter at vanleg aknebehandling er prøvd ut. Ved akutt og alvorleg akne vil det vere aktuelt for fastlegen å tilvise pasienten direkte til hudlege utan å sette i verk behandling først.
Hudlegen vil snakke med deg og undersøke huda di nøye. Før oppstart av behandling med Isotretinoin er det nødvendig med blodprøver for å kontrollere leverprøver og feittstoff i blodet, sidan dette kan påverkast av behandlinga.
Isotretinoin blir gitt som ein kur og strekker seg over fleire månader. I denne perioden vil det vanlegvis vere nødvendig med eit par kontrollar hos hudlegen.
Pasientar med kvinneleg biologisk kjønn må bruke sikker prevensjon i heile behandlingsperioden og i minst éin månad etter avslutta kur.
Oppfølging
Blodprøver
Alle må ta kontrollprøver med jamne mellomrom under behandlinga. Kvinner må i tillegg ta månadleg graviditetstest, sjå under.
Tørr hud
Dei aller fleste pasientane vil ha behov for fuktkrem på grunn av tørr hud under behandlinga. Hudlege kan hjelpe til med å velje ein eigna krem utan for høgt feittinnhald.
Sollys
Pasientar som blir behandla med Isotretinoin er også meir kjenslevare for sollys. Følg råda frå hudlegen ved val av solkremar.
Ver merksam
Isotretinoin har ein del biverknader. Det er viktig at du les pakningsvedlegget nøye.
Medikamentet er fosterskadeleg og alle kvinner som bruker Isotretinoin må bruke sikker prevensjon i heile behandlingstida og i minst 1 månad etter at kuren er avslutta. I tillegg må dei ta graviditetstest i blod, kvar månad under behandlinga.
Ved negativ graviditetstest ved blodprøvetaking får du ny resept for éin månads forbruk av medisin. Resepten er gyldig i 7 dagar etter at resepten er skriven ut.
Line 16E har avgang frå Xhibition i Småstrandgaten
Busstoppa rundt Haukeland:
Ulriksdal for besøkande til Ulriksdal helsepark og Glasblokkene (line 5, 6, 16E)
Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
Ibsensgate - arbeidsruter
Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset.
Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
Av omsyn til dei som må bruke bil, oppmoder vi derfor dei som kan, til å bruke offentleg transport. Det er også mogleg å parkere på Bystasjonen og ta buss/bane det siste stykket opp til Haukeland.
For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
Det er parkering utanfor Hudbygget på sjukehusområdet, innkøyring ved Haukeland hotell. Det er begrensa parkeringsplassar, og vi tilrår at du brukar offentleg transport til og frå undersøkinga/behandlinga om mogleg. Dersom du av helsemessige årsaker ikkje kan bruke offentleg transportmidlar, må du få godkjenning av behandlar på at du skal få drosje (samkøyring). Sjå nettsida Forside - Pasientreiser HF for meir informasjon eller ring 05515.
Om du ønskar å kjøyre sjølv og vil parkere på sjukehusområdet, gjer vi merksam på at det er nokre få parkeringsplassar mot parkeringsavgift utanfor Hudavdelinga. Pasientar som er innlagt i minimum 7 dagar kan få tilbod om å kjøpe parkeringskort for kr 350,- pr veke. Snakk med postsekretær i sengeposten om dette.
Praktisk informasjon
Når du skal på besøk eller følgje ein pasient på sjukehuset, må du gjere deg kjent med gjeldande rutinar.
Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.
Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet. For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.
Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.
Alle pasientar og besøkande kan bruke gratis trådlaust internett på dei fleste områda på sjukehuset.
Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:
Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Trykk "Godta" når du har lest og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar.
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.
