Vi tilrår at du alltid nyttar siste versjon av nettlesaren din.

CT av hjartet

Moderne CT-maskiner kan framstille kransårane til hjartet raskt og på ein trygg og enkel måte.

Kvifor blir undersøkinga gjennomført?

Undersøking av kransårane til hjartet (koronar angiografi) blir utført ved mistanke om koronarsjukdom (angina pectoris). Ved koronar angiografi kan ein påvise forsnevringar (stenoser) på kransårane og ut frå funna kan ein avgjere om det er behov for behandling med blokking (PCI) eller koronarkirurgi.

Teknologiske framsteg har ført til at CT-skanning i mange tilfelle kan erstatte tradisjonell invasiv koronar angiografi der kontrast blir sett direkte i ei kransåre etter innføring av eit kateter. Det er derfor stadig fleire pasientar som blir undersøkte med CT framfor koronar angiografi med kateter.

Kva er CT-skanning?

CT-skanning av kransårane er ein rask og trygg teknikk med få komplikasjonar. Om det ikkje blir påvist forsnevringar på CT kan ein med stor sikkerheit utelukke kransåressjukdom som årsak til brystsmerter.

CT- skanning er også ein god metode for å påvise forsnevringar i åra. Viss CT viser kransåressjukdom, kan det vere aktuelt å gå vidare med invasiv koronar angiografi med kateter. I mange tilfelle der CT viser kransåressjukdom er det tilstrekkeleg med medisinsk behandling som for eksempel kolesterolsenkande medisin, blodfortynnande behandling eller medisinar mot angina.

Hos enkelte pasientar kan det vere mykje kalk i åreveggen. Da kan det vere vanskeleg å tolke CT-bilda.

Tilvising og vurdering

Tilvising til CT av koronarkar blir gjord av kardiolog eller indremedisinar. Pasientar med mistanke om kransåressjukdom skal visast til vurdering ved hjarteavdeling eller indremedisinsk avdeling, eventuelt privatpraktiserande kardiolog, som vurderer om det er grunn til å utføre CT-skanning av kransårane.

  • Opplysningar om tidlegare hjarteinfarkt, tidlegare inngrep på kransårane (utblokking (PCI), bypass-operasjon osv.) og risikofaktorar for kransåressjukdom bør vere med i ei tilvising.
  • Informasjon som bekrefta nyrefunksjon (s-kreatinin og e-GFR) bør ikkje vere eldre enn ei veke.
  • Dersom pasienten tidlegare har hatt ein reaksjon på røntgenkontrast, må det gjerast greie for når reaksjonen oppstod, symptom, kontrasttype og kva utgreiing det gjaldt.

Før

Faste medisinar kan takast som vanleg, du treng heller ikkje å faste. 

Ikkje drikk koffeinhaldig drikke som kaffi, cola og te den dagen du skal ta CT av hjarte. Dette aukar hjartefrekvens med nedsett bildekvalitet som resultat, og må derfor unngåast inntil undersøkinga er gjennomført. Av same grunn skal du ikkje røyke før undersøkinga. 

Berekn god tid til oppmøte slik at du unngår høg puls som følge av stress/løping rett før undersøkinga. Det er ein fordel med litt ekstra væskeinntak på undersøkingsdagen. 

For CT-undersøking blir det brukt røntgenstrålar. Ved graviditet eller usikkerheit om pasienten er gravid, skal det vurderast grundig om undersøkinga kan utsettast eller om pasienten kan ta andre undersøkingar utan røntgenstrålar.  
 
Før undersøkinga må du opplyse om eventuell tidlegare reaksjon på kontrastvæske. Vanlegaste reaksjon på kontrastvæske er eit kløande utslett, som går raskt tilbake ved hjelp av ein tablett antihistamin. I alvorlege tilfelle kan pasienten få pustevanskar eller eit stort blodtrykksfall. Slike reaksjonar er svært sjeldne, og oppstår for det meste kort tid etter at kontrastvæska er gitt. 
 
Det er påkravd å ta ei blodprøve kort tid før CT-undersøkinga for å sikre at nyrefunksjonen ikkje er sett ned. Kontrastvæske kan forverre nyrefunksjonen, spesielt utsett er pasientar med diabetes mellitus. Den skadelege effekten er avhengig av mengda kontrastvæske og utgjer sjeldan ein fare ved CT av kransårane.  
 
Før undersøkinga vil det bli tatt eit EKG. 

CT-undersøkinga går føre seg ved røntgenavdelinga der det blir det sett inn eit plastrøyr (veneflon) i ein vene i olbogen. Tilgang til blodbanen er nødvendig for å kunne gi medikament og kontrastvæske. 

Under

EKG-elektrodar blir festa på kroppen for overvaking av hjarterytmen.

For å få gode CT-bilde er det viktig at hjartefrekvensen ikkje er for høg. Dersom det er nødvendig blir betablokkere (for eksempel Seloken) gitt som tablett eller sett intravenøst for å senke frekvensen.

CT-undersøking av hjarte tar cirka 20 minutt.

hjerte CT
CT undersøking

 

Etter

CT-bilda blir granska kort tid etter at skanninga er ferdig.

Du får beskjed om resultatet enten skriftleg frå sjukehuset eller via telefon. Det blir også gitt beskjed om vidare opplegg. Det er tre moglege utfall av CT-undersøkinga:

  1. Kransårane er normale. Det er da ikkje grunn til ytterlegare utgreiing med tanke på kransåresforsnevringar.
  2. Det er moderate avleiringar (atherosklerose) i kransårane, men ikkje behov for blokking eller kirurgi. I slike tilfelle er det viktig med førebyggande tiltak og eventuelt kolesterolsenkande medisinar.
  3. Det ligg kransåresforsnevringar føre som krev vidare utgreiing, eventuelt med invasiv koronar angiografi med kateter.
Sist faglig oppdatert 05.03.2026

Kontakt

Sentralblokka Hjarte-CT

Kontakt Hjarte-CT

Oppmøtestad

Du finn oss i 1. etasje i Sentralblokka. 

Flyfoto av Sentralblokka

Sentralblokka

Haukelandsveien 22

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

​I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

Meir informasjon på helse-bergen.no/frivillig

Kontaktinformasjon: 

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Telefon resepsjon: 55 97 50 00

I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

​​​​​​​​Besøke pasientar
Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

Betale eigendel
Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

Bestille drosje
Om du ønskjer det, hjelper vi deg gjerne med å bestille drosje. Berre ta kontakt i resepsjonen.

Leitar du etter ei avdeling?
​Sjå avdelingsoversikta

Resepsjonen i foajeen i Sentralblokka er døgnbemanna og hjelper deg i tillegg med:

Lån av rullestol
Resepsjonen låner ut rullestolar til bruk på sjukehuset. For lån av rullestol er det 200 kroner i depositum. ​

Følgeteneste
Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

Oppbevaringsboksar
Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

Hittegods
Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.​​

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.