Vi tilrår at du alltid nyttar siste versjon av nettlesaren din.

Mastoiditt - betennelse i ørebensknuten, Barnekirurgen

Betennelse i øyrebeinknuten blir kalla mastoiditt. Øyrebeinknuten er det beinete framspringet rett bak øyret. Akutt mastoiditt er ein sjeldan komplikasjon til øyrebetennelse og kan gi øyresmerter, feber, utståande øre, raudne i hud og øm kul bak øyret.

Infeksjon i tinningbenet / ørebensknuten kalles mastoiditt. Ørebensknuten er det benete framspringet rett bak øret og en del av tinngingbenet. Mastoiditt er en sjelden komplikasjon til ørebetennelse og kan gi øresmerter, feber og en øm hevelse bak øret.

Les meir på helsenorge.no

Symptom

Betennelsen spreier seg frå slimhinna i mellomøyret til øyrebeinknuten, og kan på sikt bryte ned beinvevet dersom betennelsen ikkje blir behandla. I sjeldne tilfelle kan betennelsen også spreie seg inn mot hjernehinner og hjerne (epiduralt) eller nedover på halsen.

Det er gjerne små barn som har hatt fleire mellomøyrebetennelsar som kan få betennelse i øyrebeinknuten. På sikt kan betennelsen bryte ned beinvevet og tilstanden krev at barnet blir innlagt på sjukehus for behandling.

Betennelsen kan gi symptom som feber, øyresmerter, redusert helsetilstand, nedsett høyrsel, og tømming av pussliknande væske ut gjennom øyregangen. Etter kvart stor ømheit over beinkula bak øyret, huda her blir raud og varm, og det kan utviklast synleg hevelse som gir eit utståande øre.

Det er viktig å komme i gang med behandling før det oppstår fleire komplikasjonar. Ubehandla kan betennelsen spreie seg til hjernehinnene eller blodet, og forårsake alvorleg og livstruande sjukdom.

Utgreiing

På sjukehuset vil øyre–nase–halslege undersøke barnet. Det blir tatt blodprøver for vurdering av alvorsgrada av infeksjonen og dersom mogleg ta ei bakterieprøve frå siving i øyret. Barnet blir smertelindra i hovudsak med paracetamol og ibuprofen.

Kva behandling barnet ditt får avheng av alvorsgrad. Vanlegvis får barnet antibiotika intravenøst, det vil seie rett i blodet gjennom ein venekanyle barnet får i hand, fot eller hovudet.

Ut frå helsetilstanden, klinikken og blodprøvesvaret til barnet blir det dagleg vurdert om barnet treng ytterlegare utgreiing med CT-undersøking og om det er indikasjon for operasjon.

Behandling

Konservativ behandling (ikkje operasjon). Antibiotika intravenøst, daglege blodprøver og vurdering av helsetilstanden til barnet.

Operasjon ved lettare grad av akutt mastoiditt. Øyre-nase-halslege lagar eit hol eller set inn eit dren (røyr) i trommehinna, slik at puss kan tømmast ut.

Operasjon ved moderat grad av akutt mastoiditt. I tillegg  til å lage eit hol eller sette inn eit dren (røyr) i trommehinna (paracsentese), slik at puss kan tømmast ut, blir øyrebeinknuten bora opp slik at puss også kan tømmast ut bak øyret (mastoidektomi). Det vil i dei fleste tilfelle bli lagde inn dren.

Ein eventuell operasjon blir utført i narkose. Barnet må da vere fastande.

Narkose til barn

Oppfølging

Utskriving frå sjukehuset er aktuelt når helsetilstanden til barnet er god og infeksjonen er under kontroll og i betring.

Behandling

Behandling med antibiotika held fram i 1 til 2 veker i form av mikstur eller tablettar.

Hygiene

Såret blir lukka med absorberbar tråd, slik at det ikkje er sting som treng å bli fjerna. Drenet blir som regel fjerna etter 2–3 dagar og deretter blir stripsa såra. Stinga vil falle ut av seg sjølve etter kvart. Følg oppfordringane om stell av operasjonssår hos barn og unge.

Smertelindring

Det er det venta ikkje behov for smertestillande etter heimreise. Kan ved behov få paracetamol.

Aktivitet

Små barn regulerer sin eigen aktivitet, dei kan leike og bevege seg fritt etter operasjonen.

Skolebarn og ungdom skal ikkje drive fysisk aktivitet i 2–3 veker etter operasjonen. Dette gjeld gym, fysisk aktivitet utanom skoletida, inkludert svømming. De får med bekrefting til skolen om gymfritak.

Kontroll

Barn som er opererte, vil bli kalla inn til kontroll 1–2 veker etter operasjon.

Alle barn uavhengig av type behandling får innkalling til etterkontroll etter 1 månad med høyreprøve. Dette for å sjekke at det ikkje har skjedd skade av høyrsel og for å sjå at mellomøyret er luftfylt.  

Kontroll

Kontakt sjukehuset dersom barnet får nokre av desse symptoma:

  • feber
  • aukande smerter
  • væsking frå øyret
  • sjukdomskjensle
Sist faglig oppdatert 04.01.2024

Kontakt

Glasblokkene Barnekirurgen

Kontakt Barnekirurgen

Oppmøtestad

Vi held til i blokk 6, 3 etasje i Glasblokkene ved Haukeland universitetssjukehus.  

Alle pasientar som skal leggast inn på Barnekirurgen blir tatt imot i kirurgisk mottak for barn i blokk 6, etasje U1 i Glasblokkene. 


Barn og unge som blir innlagt kan vere knytt til ulike kirurgiske spesialitetar. Har du spørsmål om kommande innlegging eller poliklinikk kan du kontakte sentralbordet på telefon 55 97 50 00 og be om å bli sett over til: 

  • Øyre-nase-hals poliklinikk eller innleggingskontor  
  • Kirurgisk poliklinikk eller innleggingskontor  
  • Plastikkirurgisk poliklinikk eller innleggingskontor  
  • Kjevekirurgisk poliklinikk eller innleggingskontor  
  • Ortopedisk poliklinikk eller innleggingskontor  

Pasientane blir innlagde på Barnekirurgen etter operasjonen.

Bygning med store glassflater

Glasblokkene

Haukelandsbakken 1

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Det er to HC-parkeringsplassar ved Glasblokkene. ​På grunn av byggearbeid er det elles begrensa med parkeringsplassar.

Besøkande parkerer på parkeringsdekket i Sentralblokka. Her er det også fleire HC-parkeringsplassar.

Meir informasjon om parkering på Haukeland universitetssjukehus 

Ein kan gå mellom Sentralblokka og Glasblokkene innandørs via tunnelsystemet.

Det er ein eigen ambulanseinngang med innkøyring frå Jonas Lies vei (vegen mellom Glasblokkene og Sentralblokka). Pasientar som kjem til mottaket for barn og unge til Glasblokkene med bil i akutte situasjonar, kan nytte denne inngangen. Ambulanseinngangen skal berre nyttas for avstiging. Bil må parkerast i parkeringsområdet innanfor.  

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

​Behandlinga av pasientar er sjølvsagt fullt statleg fiansiert, men på førespurnad har Barne- og ungdomsklinikken oppretta ein konto for gåver og donasjonar frå privatpersonar, foreiningar, bedrifter og andre.

Pengane vil bli brukt til å gjere sjukehusopphaldet meir triveleg for pasientar og pårørande ved avdelinga, i form av trivselstiltak som for eksempel konsertar, turar, leikar og utstyr til barna.

Les meir om gåver og donasjonar

I innkallingsbrevet ditt står det kor du skal møte på sjukehuset. Dei aller fleste får også ein SMS for ankomstregistrering same dag som timen er. Du kan velge å velge å sjekke inn via SMS på mobilen, eller på sjølvbetjeningsautomat i Glasblokkene.

Dei pasientene som treng eller ønsker det, får hjelp hjelp i resepsjonen.

Når pasienten har sjekka inn, enten via mobil eller på automat, får du SMS med referansekode som viser kva ven​​tesone de tilhører. Du vil alltid få ein SMS for innkalling til rom/sted.

Når timen er over og oppgjøret tatt, får pasientene mulighet til å betale egenandel mm. via Vipps, eller å få tilsendt regning i posten eller nettbanken. 

 

Du treng ikkje å sitte utanfor behandlingsrommet å vente. Både vaksne og barn kan vente både ute og inne. I inngangsetasjen er det leikerom, lounge, kafé og fleire opphaldsareal. Det er også eit stort leikerom til venstre for den store trappa i U1.  


Ventesonene nær behandlingromma er godt merka. Du vil få SMS om å gå til ventesona når det nærmar seg timen.  

I U2 har Nyføddintensiv ei spisestove for foreldre. I spisestovene er det eigne drikkestasjonar med kaffemaskin, juice, melkedispensar og vatn/isbitmaskin. Både mor, far og søsken kan spise der.

Måltida i spisestoven blir servert: 

Frokost: 08.00-09-00

Lunsj: 11.30-12.30

Middag: 15.00-16.00

Kvelds: 19.00-20.00

Vi oppmoder om at tidene overhaldas så langt som mogleg.

 

Det er også ein kafé i første etasje. Denne er open for pasientar, pårørande og tilsette.

Det er i tillegg sju matautomatar spredt rundt i bygget. Desse vil innehalde eit variert utvalg av fersk og ferdig tilberedt mat.

I Glasblokkene 5-8 er det ein hovudresepsjon i 1. etasje som betener alle pasientar, pårørande og besøkande til Glasblokkene. Hovudresepsjonen er betent alle dagar frå kl. 07.00 - 21.00. Helg og heilagdager er resepsjonen betent frå 07.30 - 21.00. Her kan du få hjelp til innsjekk, å finne fram, bestille tolk, transport og mykje meir.

I tillegg til hovudresepsjonen er det ein ekspedisjon i tilknyting til mottaket i U1. Denne har ope alle kvardagar kl. 07.00 - 22.30, og frå 08.00 til 22.30 i helg/heilagdagar

Resepsjonen i blokk 1-4 er gjort om til base for vektarar frå hospitaldrift, og er bemanna med vektar 24/7. Her er vektar tilgjengeleg for pasientar og besøkande for enklare førespurnadar og spørsmål.

For mor og far: dersom du er usikker på korleis du skal forhalde deg; ta kontakt med sjukeplear for avklaring. 

For andre besøkande - dersom du er sjuk – hald deg heime!

Hygiene - Vi ber alle besøkande om å utvise god handhygiene, som er det viktigaste førebyggjande tiltaket mot infeksjonar. God handhygiene betyr handvask før du rører barnet, i tillegg til å ha nakne armer under albuen. Altså oppbretta genser, av med ringer, klokker eller lange negler.

For å beskytte barn og personale er det strenge reglar for fotografering på Barne- og ungdomsklinikken. Dersom du ønskjer å leggje ut bilete der andre personar er med, må du spørje først. Tenk gjennom kva du legg ut på internett og hugs at det blir verande der også når barnet veks opp. 

​

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. 

​Barn og ungdom t.o.m. 15 år (Innlegging for Diabetes, Epilepsi og IBD går opp til 18 år ved BUK) med mistanke om medisinsk tilstand som treng øyeblikkeleg hjelp, skal tilvisast Barne- og ungdomsklinikken.

Før innlegging er det mogleg å konferere med Pediatrisk bakvakt:
Ring 55975000 og be om å få snakke med bakvakt på Barne- og ungdomsklinikken.

Barn/ungdom som kan køyre i drosje eller privatbil, skal meldast direkte til resepsjonen på BUK:
Ring 55 97 33 93

Barn/ungdom som treng ambulanse, skal meldast via AMK.
Ring 113

Dersom lege eller ambulanse ønsker direkte kontakt med nokon i mottaket for å gi oppdateringar undervegs ring 41701556 (intern 509544) til BUK Ansvarsvakt Mottak.