Ete‐ og svelgjeundersøking (dysfagiundersøking)
Undersøkinga blir gjord for å finne ut om du greier å svelgje trygt. Først undersøkjer vi om du kan bevege på lepper, tunge og kjeve, og om du greier å hoste. Du skal svelgje nokre skeier vatn og til slutt drikke eit halvt glas vatn.
Før
Undersøkinga krev ingen førebuingar. Er du svært trøytt eller dersom du fastar til anna undersøking, vil undersøkinga bli utsett.
Under
Du skal sitje godt oppreist i ein stol, eventuelt sitje med rett rygg i seng. Du skal vise om du kan bevege på tunga, sleikje deg rundt munnen, svelgje eige spytt og om du kan hoste.
Deretter får du ei teskei vatn tre gonger. Dersom det går greitt, får du også drikke frå eit glas med vatn. Medan du svelgjer vil den som testar kjenne på rørslene i halsen din. Du kan også bli beden om å svelgje vatn med fortjukkingsmiddel (dette kan vere lettare for nokon).
Undersøkinga gjer ikkje vondt. Det kan vere ubehageleg dersom du svelgjer feil og får vatn i vrangstrupen, men det er ikkje farleg i så små mengder.
Etter
Du får ei oppsummering av undersøkingsresultata same dag.
Dersom du har ete‐ og svelgjevanskar vil du få vidare oppfølging frå oss.
Det kan vere at du blir tilrådd å ete mat som er lett å tyggje, og å bruke fortjukkingsmiddel i drikke. Dersom undersøkinga viser at du har store svelgjevanskar, vil vi kanskje leggje ned ein sonde i matrøyret ditt, slik at du får i deg nok næring.
Ver merksam
Det kan vere ubehageleg dersom du svelgjer feil og får vatn i vrangstrupen, men det er ikkje farleg i så små mengder som blir brukte i undersøkinga.
Kontakt
Gamle hovedbygg
Logopedtenesta
Oppmøtestad
Logopedtenesta tek i mot henvisingar frå alle avdelingar på sjukehuset som har vaksne pasientar med språk- og kommunikasjonsvanskar, stemmevanskar og svelgevanskar som har oppstått etter sjukdom eller skade.
Gamle hovedbygg
Jonas Lies vei 71
5053 Bergen