Fleirfamiliegruppe med undervisnings- og samtaletilbod
Fleirfamiliegruppe er eit behandlingstilbod til personar med psykisk liding og deira næraste familie. Tilbodet inneber at du og familien din, andre familiar i same situasjon og to gruppeleiarar møtest regelmessig i inntil to år. Gjennom samtalar, undervisning og problemløysing er målet å gi deg best mogleg støtte og hjelp i kvardagen.
Hjelp til deg og familien
Skulle du ønskje at dykk som familie fekk hjelp til å halde oppe kontakten i ei vanskeleg tid? Lurer familiemedlemmar på korleis dei best kan hjelpe deg? Ønskjer du å bli kjent med andre som har liknande erfaringar?
Når du har psykiske utfordringar kan det vere vanskeleg å uttrykkje korleis du har det, overfor dei som står deg nærast. Du kan også vere usikker på kor mykje og kva slags kontakt du ønskjer å ha med familien.
Familien din er bekymra, og vil prøve å hjelpe deg på ulike måtar. I møte med krise og sjukdom hos ein familiemedlem, er det vanleg å reagere både med redsel, sinne og uro. Det gjer at dei ikkje alltid klarer å møte deg på den måten du treng. Mange familiemedlemmar opplever dessutan at dei ikkje veit nok om den psykiske lidinga di.
Tilvising og vurdering
Ta gjerne kontakt med oss dersom du lurer på om fleirfamiliegruppe er noko for deg og familien din. Vi inviterer dykk også gjerne til ein uforpliktande samtale for å gi dykk nærare informasjon om kva dette tilbodet inneber. Fastlegen eller behandlaren din sender oss tilvising når det er avklart at de ønskjer å delta.
Før
Før gruppa startar opp, møter du og familiemedlemmane dine gruppeleiarane for å bli kjende og førebu deltaking i gruppa. Du får det de treng av praktisk informasjon på førehand. Dersom de har spørsmål undervegs kan de kontakte gruppeleiarane.
Under
I ei fleirfamiliegruppe deltek vanlegvis fem personar som kvar har med seg eitt til tre familiemedlemmer. Du bestemmer sjølv kven i familien du ønskjer å ha med. Gruppa blir leidd av to gruppeleiarar.
Vi arrangerer to undervisningsseminar i fleirfamiliegruppa, eitt ved oppstart og eitt seinare.
Etter det innleiande undervisningsseminaret har vi gruppemøte annakvar veke i 1-2 år. Du får beskjed om kor lenge gruppa di varer før ho startar. Møta er på kveldstid og kvart møte varer i halvannan time.
Gruppemøta handlar om å finne løysingar på utfordringar i kvardagen. Til dette bruker vi ein eigen metode for problemløysing. Deltakarar i fleirfamiliegrupper opplever at erfaringane som blir formidla i ei slik gruppe kan bidra til forståing og meistring av eigen situasjon. Samtidig blir fellesskapet opplevd som støttande, noko som er viktig for at ein ikkje kjenner seg åleine. Vi forventar ikkje at du deler dine inste tankar i gruppa.
Familien din treng kunnskap for å kunne vere til hjelp og støtte for deg. Vi jobbar med ulike problemstillingar og tema:
- Forståing for psykisk helse
- Generelle råd om kva familien kan gjere
- Konkrete råd om kommunikasjon
- Psykiske og sosiale forhold som kan ha noko å seie for at du skal fungere best mogleg
- Kva fremjar og kva hemmar betring?
- Korleis lause daglegdagse utfordringar?
- Korleis kjenne igjen teikn på framsteg og tilbakefall?
- Ulike behandlingsmetodar
- Rettar
Etter
Når fleirfamiliegruppa er ferdig, held du fram eventuelt anna behandling og oppfølging i samråd med behandlaren eller fastlegen din.
Fleirfamiliegruppe kan hjelpe deg
Visste du at å involvere familien din når du strevar psykisk aukar sjansane for å få det betre og bli heilt frisk? Fleirfamiliegruppe kan hjelpe deg som har fått ein psykose- eller bipolar liding og deg som mistenkjer at du kan ha det. Det gir deg og familien din kunnskap om psykiske lidingar, stress, god kommunikasjon og korleis du kan løyse kvardagsutfordringar. Høyr korleis desse to ungdommane har opplevd å vere i fleirfamiliegruppe og ikkje lenger stå åleine:
Kontakt
-
Kontakt Bjørgvin distriktspsykiatriske senter (DPS)
Oppmøtestad
Bjørgvin DPS har stader både på Tertnes i Åsane og på Knarvik i Nordhordland. Begge stadene tilbyr eit breitt spekter av tenester innan psykisk helsevern og behandling. Vi legg stor vekt på å skape ein trygg og støttande atmosfære for våre pasientar, og vårt dedikerte team av fagfolk står klare til å bistå dei som treng det, enten det er i Tertnes eller Knarvik.
Tertnesveien 37
Tertnesveien 37
Kvassnesveien 63, Knarvik
Kvassnesveien 63
5914 Isdalstø
Transport
Praktisk informasjon
-
Kontakt Kronstad distriktspsykiatriske senter
Oppmøtestad
Kronstad DPS på Danmarksplass i Bergen.
Kronstad
Fjøsangerveien 36
5054 Bergen
Transport
Praktisk informasjon
-
Kontakt Øyane distriktspsykiatriske senter
Oppmøtestad
Øyane DPS held til i Blombakkane 75 på Straume. Ta inn vegen ved Helsehuset (vis-a-vis kommunehuset) og fortsett rett fram opp til toppen av bakken, der ligg bygget til Øyane DPS.Postadresse
Helse Bergen, Haukeland universitetssjukehusØyane DPS, Postboks 14005021 Bergen
Blombakkane 75
Blombakkane 75
5353 Straume
Transport
Praktisk informasjon