Vi tilrår at du alltid nyttar siste versjon av nettlesaren din.
Distal radiusfraktur, konservativ behandling
Handleddsbrot, behandling med gips
Handleddsbrot er ein av dei vanlegaste brottypane, og er brot like ovanfor eller i sjølve handleddet. Brotet må stundom settast på plass i rett stilling før gipsing. I dei tilfella der operasjon ikkje er nødvendig, vil ein gips vere tilstrekkeleg behandling for handleddsbrotet. Gipsbehandlinga varer vanlegvis i fire til seks veker.
Handleddsbrot er ein akutt skade og blir vanlegvis behandla med gips same dag. Gipsbehandlinga skjer på sjukehuset eller på legevakta.
Under
Viss brotet skal settast på plass (reponeres) vil du få lokalbedøving i forkant. Gipsen blir lagd slik at brotet skal haldast i ro og gro i best mogleg stilling.
Etter
Etter 7–12 dagar blir brotet kontrollert med eit røntgenbilde ved behov.
Mens du har gips
Dette er viktig å gjere mens du har gips:
Hald handa mest mogleg over hjartehøgde. Dette er særleg viktig dei første dagane, og viss fingrane hovnar opp.
Beveg fingrane ofte. Knytt og strekk dei heilt ut, utan å bruke for mykje kraft. Dersom dette er vanskeleg, kan du bruke den andre handa til å hjelpe. Sjå «Beveg fingrane» for meir informasjon.
Tren olbogen ved å bøye og strekke armen. Løft også armen over hovudet slik at skuldra ikkje blir stiv.
Vern gipsen mot vatn. Kalkgips toler ikkje vatn. Kunstgipsen toler litt vatn, men huda under kan ta skade av fukt. Du kan kjøpe dusjposar på apoteket.
Ta kontakt med sjukehuset viss gipsen kjennest for stram eller gir smerter i fingrar, tommel eller handledd. Da vurderer vi om du treng ny gips.
Gipsen skal ikkje hindre rørsle i fingrar eller tommel. Den skal ikkje presse tommelen inn mot handflata.
Ver merksam på auka hevelse. Hevelse kan gjere gipsen for stram. For å redusere hevelse
Løft armen over hovudet (10 repetisjonar)
Knytt og strekk fingrane.
Ta kontakt med sjukehuset viss hevelsen ikkje går ned og gipsen blir for stram
Om du har fått fatle, skal du berre bruke han dei første to dagane for å lindre smerte. Slutt med fatlen så snart som mogleg, elles kan olbogen og skuldra bli stive. Det vil gjere opptreninga meir krevjande.
Informasjon frå fysioterapeut
Unngå brå belastning på handa, som for eksempel fall, slag og støyt.
Unngå å vri underarmen inne i gipsen.
Dersom du bruker ganghjelpemiddel, kan du støtte deg med handa så lenge det skjer roleg og kontrollert og ikkje provoserer smerte. Smertegrensa er oftast ein god indikator for kor mykje du kan gjere. Du kan fritt støtte eller bere med olbogen.
Bruk handa så normalt som mogleg til vanlege, lette aktivitetar. Bruk handa til å kle på deg eller smørje ei brødskive så langt det går.
Når du vekselsvis knyter handa og spriker fingrane, aktiverer du vene-muskelpumpa. På denne måten pumpar du hevelsen ut av handa. Når hevelsen går ned, blir det lettare å bevege og da skaper du ein god sirkel. Derfor er det svært viktig å komme raskt i gang med å bevege fingrane så mykje som gipsen tillèt.
Strekk alle fingrane samtidig.
Sprik med fingrane.
Få med tommelen når du spriker med fingrane.
Knyt handa. Prøv å få fingertuppane heilt inn i handflata.
Hjelp den skadde handa med den friske, for å få fingertuppane heilt inn i handflata.
For å klare å knyte handa, må du bøye dei store knokane (metacarpophalangial-ledda). Hald tommelen på den friske handa inni den skadde handa, og hjelp til med frisk hand for å bøye i dei store knokane.
Beveg tommelen mot ein og ein fingertupp etter tur.
Beveg skuldra og olbogen normalt for at dei uskadde ledda ikkje skal stivne til. Strekk armen opp mot taket, over på motsett skulder og bak på ryggen. Strekk armane ut og bakover.
Det er vanleg at handa er hoven den første tida etter brotet. Hald handa over hjartehøgde for mest effektiv drenasje av hevelsen. Når du sit kan du kvile armen oppå sofaryggen, på ryggstøtta til nabostolen, på ei pute i vindaugskarmen eller på eit høgt bord.
Så lenge det er vondt å pendle normalt med armen når du går, kan du kvile handa i jakkelomma. Strekk og knytt handa vekselvis inne i lomma, sidan fingerrørsle er det mest effektive tiltaket for å få ned hevelsen.
Så snart gipsen er tatt av, skal du begynne å bevege handleddet i alle retningar. Det er normalt at det er stivt og ømt i ledd og muskulatur etter at gipsen er fjerna. Rørsla skal gradvis komme tilbake når du gjer øvingar og tar i bruk handa til daglege aktivitetar. Det er normalt å vere øm i dei ytre stillingane.
Det er viktig at du normaliserer aktivitetar og rørslemønsteret ditt så raskt som mogleg.
Unngå fall, slag og støyt mot handleddet den første tida. Ver varsam på glatt føre og med risikoaktivitetar som ballidrettar, kontaktidrett, trampoline, ski og anna der det er lett for å falle og ta seg for med hendene.
Det er lettare å slå opp igjen brotet den første tida. Risikoen er gradvis minkande over dei første månadene. Tungt, fysisk arbeid må du trappe opp gradvis. Smertegrensa er oftast ein god indikator for kor mykje du kan gjere.
Du kan for eksempel tøye handa til det strammar, men det skal ikkje vere smertefullt når du gjer det.
Her er eit større øvingsrepertoar. Handa toler meir enn det som blir vist i øvingsprogrammet her. Du kan tøye handa med kraft. For eksempel kan du støtte handflata på eit bord og leggje vekt på ho for å tøye handleddet bakover. Vel dei øvingane som du kjenner er mest nyttige for deg:
Ver merksam
Dersom du opplever auka hevelse i fingrane og auka smerte, kan dette vere teikn på for stram gips. Dersom det ikkje hjelper å bevege fingrane og å heve armen, bør du straks ta kontakt med lege. Dersom du er i tvil, ring lege for råd.
Du bør vente med å køyre bil sjølv til du har god rørsle i handleddet igjen.
Skadepoliklinikken (Bergen legevakt) i Solheimsgaten 9 ved Danmarksplass. Ortopedisk poliklinikk i 2. etasje i Sentralblokka på Haukeland universitetssjukehus.
Line 16E har avgang frå Xhibition i Småstrandgaten
Busstoppa rundt Haukeland:
Ulriksdal for besøkande til Ulriksdal helsepark og Glasblokkene (line 5, 6, 16E)
Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
Ibsensgate - arbeidsruter
Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset.
Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.
Av omsyn til dei som må bruke bil, oppmoder vi derfor dei som kan, til å bruke offentleg transport. Det er også mogleg å parkere på Bystasjonen og ta buss/bane det siste stykket opp til Haukeland.
For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
Rettar/Rettane dine Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt. Les meir om rettane dine ved pasientreiser
I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.
Praktisk informasjon
I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.
Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.
Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.
Apoteket tar også i mot gamle legemiddel til destruksjon.
Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.
Når du skal på besøk eller følgje ein pasient på sjukehuset, må du gjere deg kjent med gjeldande rutinar.
Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla.
Dei frivillige kan vise veg, vente saman med pasientar, bli med på luftetur i parken eller nærområde - og mykje meir.
Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.
I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.
Besøke pasientar Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.
Betale eigendel Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.
Bestille drosje Om du ønskjer det, hjelper vi deg gjerne med å bestille drosje. Berre ta kontakt i resepsjonen.
Resepsjonen i foajeen i Sentralblokka er døgnbemanna og hjelper deg i tillegg med:
Lån av rullestol Resepsjonen låner ut rullestolar til bruk på sjukehuset. For lån av rullestol er det 200 kroner i depositum.
Følgeteneste Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.
Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.
Oppbevaringsboksar Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.
Hittegods Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.
I 3. etasje i Sentralblokka på Haukeland ligger det to stillerom. På dei to stilleromma kan du vere for deg sjølv med tankane og bønene dine. Romma er alltid ope, og er opne for alle.
Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.
Alle pasientar og besøkande kan bruke gratis trådlaust internett på dei fleste områda på sjukehuset.
Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:
Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Trykk "Godta" når du har lest og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar.
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.
