Undersøking med eller uten narkose

MR av barn

MR er ei forkorting for magnetisk resonans. Under ei MR-undersøking ligg den som vert undersøkt i eit svært sterkt magnetfelt og det blir sendt radiofrekvente signal gjennom kroppen. Desse signala nyttar MR-maskina til å lage digitale bilete. Det er inga form for røntgenstråling med ein MR.

MR vert nytta i undersøkingar der andre diagnostiske metodar er utilstrekkelege eller som supplement til andre metodar. MR-undersøking gir spesielt god framstilling av forandring i muskulatur, bindevev og sentralnervesystemet. I tillegg kan MR framstille sjukdomsforandringar i skjelettet, hjarte, bryst, blodårer, urinvegar og bukorgan, inklusive tarmsystemet.

Tilvising og vurdering

Tilvising frå lege på sjukehuset eller primærhelsetenesta.

Før MR

Vanlegvis er det ingen spesielle førebuingar til MR-undersøkingar. Det kan være lurt å ha klede utan mange metallknappar eller glidelåsar og ta gjerne av smykker / øyredobbar før du kjem. Du får uansett låne pasientskjorte og -bukse av oss, dersom kleda dine ikkje passer å ha på seg inni MR-maskinen.

Førebuing til MR

Vi har fleire ulike tilbod som kan hjelpe med å førebu seg til MR:

Web-appen Klar til MR med bilete og video frå vår MR-lab.
Leike-lab 1 som ligg ved inngangen til Radiologisk avdeling i Glasblokkene med eigen leike-MR.
Øve-MR der ein kan bestille time for å få øve i ein stor MR-maskin som har lydar og fuknsjonar tilnærma lik ein ekte MR.

For å få god framstilling av området som skal undersøkast, er det av og til nødvendig med intravenøs kontrastvæske. Den får du gjennom ein venflon i ei blodåre i alburegionen.

Før undersøkinga

Alle som skal ha kontrastvæske på MR treng ein venflon før undersøkinga starter. For at stikket ikkje skal gjere vondt, kan føresette sette på plaster som har bedøvande middel. Emla®-plaster kan ein kjøpe reseptfritt på apoteket. Legg plasteret på armen i albueregionen cirka 1 time før MR-timen.

Emlaplaster i albogen — Legg plasteret på cirka 1 time før MR-timen

Under undersøkinga

Vanlegvis tar vi litt bilete før, og litt bilete etter at du får kontrastvæske. Dei fleste merker nesten ingenting når du får den av oss. Kanskje du merker at det er litt kaldt oppover armen i nokre sekund.

Etter undersøkinga

Det er ingen spesielle tiltak etter at MR-undersøkinga med kontrastvæske er ferdig. Vi fjerner venflonen og du kan reise heim.

Barn og unge som skal ta MR undersøkinga i narkose, vil få beskjed om å faste i forkant av timen. Følg instruksjonane som står i innkallingsbrevet.

Narkose er nødvendig når det er vanskeleg for pasientar å ligge stille på MR. Bevegelse gir dårlege bilete og kan gi usikker tolking av undersøkinga. Det er nødvendig at pasienten er fastande, så unngår vi at det blir ny timeavtale.

Før undersøkinga
Alle som skal ha narkose skal være fastande. Dersom barnet har spist like før MR-timen, blir undersøkinga ikkje utført den dagen.

Fasting – ingen mat

Dei siste 6 timane før MR-timen:
ikkje spise, ikkje tygge tyggegummi, ikkje drikke anna enn vatn eller saft.
Dei 2 siste timane før MR-timen:
ikkje drikke vatn eller saft
Småbarn kan drikke morsmjølk / morsmjølkerstatning inntil 4 timar før MR-timen.
Barnet kan drikke vatn inntil 2 timar før.

Ta eventuelle faste medisinar bortsett frå medisin mot diabetes. Tablettar kan tas sammen med eit halvt glas vatn, helst 2 timar før MR-timen.

Alle som skal ha narkose treng ein venflon (tynt plastrør) på handa. For at stikket ikkje skal gjere vondt, kan føresette sette på plaster som har bedøvande middel. Du kan kjøpe Emla®-plaster reseptfritt på apoteket. Legg plasteret på handbaken cirka 1 time før MR-timen.

De blir tatt imot av anestesi- og radiologisk personell som gir informasjon om narkosen og tida etterpå. Opptil to føresette kan bli med fram til barnet får narkosen og sovnar. Under bildetakinga venter føresette ute i venteområda på sjukehuset.

MR i narkose tar lenger tid enn MR utan narkose. Tidsbruk kan variere frå 45 minutt og opp til 2 timar. Vi som tar bileta kan svare på kor lang tid vi forventer det vil ta.

Etter undersøkinga

Når undersøkinga er seg ferdig, ringjer vi føresette som kan komme tilbake til MR. Barnet skal vakne på avdeling for oppvakning, og føresette blir med dit saman med anestesipersonalet. Pasienten kan drikke når han/ho er vaken igjen, og etter kvart spise vanleg. Dei fleste reiser heim etter 1-2 timar.

Sjukdom før timeavtale

Dersom barnet blir forkjøla eller akutt sjukt på andre måtar i løpet av veka før MR-timen, ber vi deg kontakte oss. Ring 55 97 68 50, kvardagar kl. 8 – 15 og be om å få snakke med Utpostlegen.

Nyfødde kan ofte gjennomføre MR sovande. Då er det ein fordel om barnet er søvnig og nymata når de kjem til timen. Barnet må ha på seg klede utan metallknappar. Kleda skal dekke både armar og bein. Føresette kan vera med barnet gjennom heile undersøkinga.

Klar for MR

Skal du ta MR på sjukehuset og lurar på korleis det går føre seg? Bli klar til MR ved å sjå videoar og få svar på vanlege spørsmål mange lurar på.

Klar til MR

Førebuing til MR

Vi har fleire ulike tilbod som kan hjelpe med å førebu seg til MR:

Web-appen Klar til MR med bilete og video frå vår MR-lab.
Leike-lab 1 som ligg ved inngangen til Radiologisk avdeling i Glasblokkene med eigen leike-MR.
Øve-MR der ein kan bestille time for å få øve i ein stor MR-maskin som har lydar og fuknsjonar tilnærma lik ein ekte MR.

For å få god framstilling av området som skal undersøkast, er det av og til nødvendig med intravenøs kontrastvæske. Den får du gjennom ein venflon i ei blodåre i alburegionen.