Vi tilrår at du alltid nyttar siste versjon av nettlesaren din.
logo Helse Bergen

Operasjon ved kjevebrot

Brot i kjevane bør som oftast behandlast, og operasjon er vanleg. Kjevebrot er i ei viss grad assosiert med andre alvorlege skadar som hovud- eller augeskade, og dette må alltid undersøkjast. Behandlinga av kjevebrot skal sikre at brotet gror i korrekt stilling, og bevare funksjon og ansiktsestetikk.

Trafikk- og sykkelulykker, arbeidsulykker og skadar under leik og idrett kan føre til kjevebrot. Ein av dei meir vanlege årsakene til brot i kjevane er alkoholrelaterte vald.

Eit brot i kjeven er ofte smertefullt, og du vil kanskje kunne kjenne at bitet ikkje passar. Ofte har ein redusert gapeevne. For å setje rett diagnose blir det utført ei klinisk undersøking som blir jamført med røntgenbilete.

Mange tannlegekontor har såkalla OPG-røntgenapparat som er gode for å sjå brot i underkjeven, elles er CT ei vanleg undersøking ved sjukehus for alle kjeve- og ansiktsskadar. For brot som står stabilt i fin posisjon kan ein velje å observere, men ofte blir det snakk om å behandle brotet anten med ein operasjon eller ved å låse kjevane saman så brotet gror i rett stilling.

Tilvising og vurdering

Skadens natur gjer at ein ofte kjem akutt til anten legevakt eller sjukehusavdeling, men ved mindre alvorlege brot hender det at ein ikkje oppsøkjer lege før det har gått noko tid. Då blir du gjerne tilvist anten til røntgen/CT-undersøking eller direkte til sjukehusavdeling. Brot som skal opererast bør behandlast relativt raskt, men nokre dagars forseinking betyr sjeldan noko i forhold til prognosen. Skadar på tenner kan haste meir, men varetakast best hos tannlege.

I tillegg til generell sjukehistorie bør skademekanismen komme fram, og dessutan vurdering av moglege andre skadar, og særleg hovudskadar. Symptoma til pasienten, eventuell bløding eller blautvevsskade, palpatoriske funn og visus er nyttige tilleggsopplysningar.

For tannskadar er ofte allmennpraktiserande tannlege betre instans enn sjukehusavdeling.

Før

Ved kjevebrot som skal opererast blir du lagd inn i sjukehus. Klede og toalettartiklar bør derfor takast med. Ved operasjon i narkose, som er det vanlegaste, kan du ikkje ete eller drikke inntil 6 timar før operasjonen. Det er derfor ein fordel om du møter fastande til konsultasjon.

Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse eller utsetje timen.

Dei siste 6 timane før operasjon/undersøking skal du ikkje ete mat eller drikke mjølk/mjølkeprodukt. Barn kan få morsmjølkerstatning inntil 4 timar før operasjon/undersøking, og morsmjølk inntil 3 timar før. Dei siste 2 timane skal du unngå tyggegummi, drops, snus og røyk, fordi dette kan auke mageinnhald og magesyre.

Fram til 2 timar før operasjon/undersøking kan vaksne drikke klare væsker. Barn kan drikke klare væsker fram til 1 time før. Klare væsker er: Vatn, saft, juice utan fruktkjøt, brus, te og kaffi utan mjølk. Alle kan svelge medisinar med eit lite glas vatn inntil 1 time før. Du kan pusse tenner og skylje munnen når som helst.

  • Mat og mjølk/mjølkeprodukt: Skal stoppast 6 timar før
  • Klare væsker, tyggegummi, drops, snus og røyk: Skal stoppast 2 timar før
  • Klare væsker, barn: Skal stoppast 1 time før

Dersom du likevel har ete eller drukke utanom de tidene som står her må personalet få vite det. Før enkelte inngrep skal du drikke ein bestemt mengde næringsdrikk. 

Strengare reglar kan vere naudsynt for nokon. Det får du i så fall beskjed om.

Ved innkomst blir du undersøkt klinisk, det blir teke blodprøver og nødvendige røntgenundersøkingar (OPG kjeverøntgen og/eller CT) blir gjord.

Under

Enkle kjevebrot i fin stilling treng nødvendigvis inga behandling, men dette føreset tett oppfølging og minimal belasting på kjeven. Nokre brot kan behandlast ved at kjevane blir låste saman i korrekt posisjon medan brotet gror. Dette tek omlag 6 veker, men ofte kan ein ha såkalla elastisk låsing med strikk det meste av tida. Det betyr at ein kan opne og lukke munnen noko, men strikkane gjer at kjeven blir leidd tilbake til korrekt posisjon når ein bit saman.

I dei fleste tilfelle blir likevel kjevebrot operert i narkose. Ein opnar då opp til brotstaden, set brotflatene mot kvarandre så nøyaktig som mogleg og feste med tynne metallplater og skrur. Desse vil ein normalt verken kunne sjå eller kjenne etter operasjonen. Både over- og underkjevebrot kan behandlast slik. Ofte vil ein kunne operere frå innsida av munnen, men av og til går ein igjennom huda. Kva ein vel avheng av kvar brotet sit og kor omfattande skadane er.

Varigheit på behandlinga

Dette er heilt avhengig av kor omfattande skadane er. Enkle brot kan opererast på ein halvtimes tid, store skadar kan ta ein heil dag, og dessutan ytterlegare operasjonar seinare.

Etter

Kor lenge ein blir liggjande på sjukehus avheng av skaden. Etter utskriving vil du kunne ha behov for smertestillande tablettar og antibiotika. Ved kjevebrot kan ein også ha tannskadar, og enkel tannbehandling for å unngå smerter og seinkomplikasjonar kan vere aktuelt.

Av og til passar ikkje bitet heilt saman etter behandling. Dette kan komme av hevelse eller små unøyaktigheiter, og vil anten gå over etter ei tid eller eventuelt justerast i etterkant med lett sliping på tannfyllingar el. Ved større avvik kan ein anten operere på nytt før brotet gror eller planleggje korrigerande kirurgi seinare.

Smerte og ubehag er vanleg ei tid etter eit kjevebrot. Vidare er det vanleg å ha avgrensa gapeevne. Av og til er nerven(e) i kjeven(e) skadd, og du kan då oppleve nomenheit og nedsett kjensle i ansiktet. Dette kan vere forbigåande eller varig, avhengig av skaden.

Det er viktig å unngå belastning på kjevane medan brotet gror, og mjuk mat blir tilrådd i den næraste tida etter skaden. Ved store skadar kan restitusjonsperioden vere stor, og det kan vere behov for fleire behandlingar for rehabilitering av til dømes tenner, arrkorreksjonar og så vidare.

Ver merksam

Infeksjon finst relativt hyppig etter kjevebrot. Du blir derfor regelmessig kalla inn til kontroll etter behandling.

Ved samanlåste kjevar må du alltid ha med ei saks for å kunne klippe låsen i nødstilfelle. Denne får du utlevert på sjukehuset i samband med behandlinga. Du får samtidig råd om kosthald og hygiene.

Kontakt

Sentralblokka Kjevekirurgisk avdeling

Kontakt Kjevekirurgisk avdeling

Oppmøtestad

Poliklinikk i 2. etasje i Sentralblokka. Alle forundersøkelser gjøres her. Etter operasjonen vil pasienten ligge på Øre-nese-hals II sengepost i 5. etasje. Kontroller etter operasjon skjer vanligvis i Kjevekirurgisk poliklinikk eller ved sykehus på hjemsted.

Flyfoto av Sentralblokka

Sentralblokka

Haukelandsveien 22

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

​I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset​

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

Meir informasjon på helse-bergen.no/frivillig

Kontaktinformasjon: 

Telefon resepsjon: 55 97 50 00

I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

​​​​​​​​Besøke pasientar
Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

Betale eigendel
Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

Bestille drosje
Om du ønskjer det, hjelper vi deg gjerne med å bestille drosje. Berre ta kontakt i resepsjonen.

Leitar du etter ei avdeling?
​Sjå avdelingsoversikta

Resepsjonen i foajeen i Sentralblokka er døgnbemanna og hjelper deg i tillegg med:

Lån av rullestol
Resepsjonen låner ut rullestolar til bruk på sjukehuset. For lån av rullestol er det 200 kroner i depositum. ​

Følgeteneste
Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

Oppbevaringsboksar
Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

Hittegods
Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.​​

I 3. etasje i Sentralblokka på Haukeland ligger det to stillerom. På dei to stilleromma kan du vere for deg sjølv med tankane og bønene dine. Romma​ er alltid ope, og er opne for alle. ​

Les meir om stilleromma

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. 

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.