Vi tilrår at du alltid nyttar siste versjon av nettlesaren din.

Fjerning av deler av mandlar hos barn (tonsillotomi)

Delvis fjerning av mandlane blir utført for å betre plassforhold for pasientar som slit med munnpust, svelgvanskar, vanskar med å ete, pustevanskar eller snorking om natta som følge av store mandlar.

Mandlane er lymfatiske organ som er på kvar side i halsen bak i halsen. I tidleg barndom bidrar mandlane til å danne immunstoff og utvikle immunforsvaret i kroppen. Desse immunstoffa varer heile livet. Liknande vev finst også andre stader i svelget og i øvre luftvegar. Delvis fjerning av mandlane har derfor ingen innverknad på immunforsvaret i kroppen.

I mange tilfelle er det også nødvendig å fjerne adenoid (polyppar eller «falske mandlar») – spesielt dersom barnet er plaga med nasetettleik.

Delvis fjerning av mandlar blir utført i narkose. Dette er ikkje eit komplisert inngrep, men det finst ein risiko for etterbløding. Slike blødingar skjer likevel langt sjeldnare etter delvis fjerning av mandlane enn ved fullstendig fjerning.

Tilvising og vurdering

Før inngrepet må ein avklare om barnet har andre sjukdommar eller bruker medisinar som kan ha betydning for operasjonen eller narkosen.

Dersom barnet bruker blodfortynnande medisinar, må ein avklare med fastlege om det kan slutte med desse, før operasjonen.

Alle tilvisingar bør innehalde:
  • Aktuell sjukehistorie
  • Relevante tidlegare og nåverande sjukdommar
  • Kliniske funn
  • Resultat av relevante tilleggsundersøkingar
  • Oppdatert medikamentoversikt
(Ved bruk av malen «den gode tilvising» som er integrert i dei fleste elektroniske pasientjournalsystema, er punkta over dekka)     

Hugs     
  • Ved tilvising av barn eller pasientar utan samtykkekompetanse må ein ha kontaktinformasjonen til føresette
  • Eventuelt tolkebehov
For meir informasjon og rettleiing om tilvisingar til spesialisthelsetenesta: Nasjonal rettleiar for tilvisingar til spesialisthelsetenesta, Helsedirektoratet.      






Før

Barnet må dusje og vaske håret enten på operasjonsdagen eller kvelden før. 

Barnet vil få ein venekanyle (PVK/veneflon) på handbaken for å sette narkosemiddel. Barnet kan få på bedøvingskrem (Emla) før venekanylen blir sett, slik at stikket gjer mindre vondt. De kan kjøpe Emla på apoteket, og kremen må leggast på begge handbakar cirka 1 time før oppmøte på sjukehuset.

Faste

Før operasjonen/undersøkinga må barnet faste. Dersom barnet ikkje møter fastande, kan det hende vi må avlyse eller utsette timen.

Barn og ungdom (0–18 år)

Dei siste 6 timane før operasjon/undersøking skal barnet ikkje ete mat eller drikke mjølk/mjølkeprodukt. Spedbarn kan få morsmjølkerstatning inntil 4 timar før, og morsmjølk inntil 3 timar før. Dei siste 2 timane skal barnet unngå drops og tyggegummi, snus og røyk, fordi dette kan auke mageinnhold og magesyre. Barnet kan drikke klare væsker fram til 1 time før operasjon/undersøking: Vatn, saft, juice utan fruktkjøt, brus, te og kaffi utan mjølk. Barnet kan pusse tenner og skylje munnen når som helst.

  • Mat og mjølk: Skal stoppast 6 timar før
  • Morsmjølkerstatning: Skal stoppast 4 timar før
  • Morsmjølk: Skal stoppast 3 timar før
  • Drops og tyggegummi, røyk og snus: Skal stoppast 2 timar før
  • Klare væsker: Skal stoppast 1 time før

Dersom barnet likevel har ete eller drukke utanom dei tidene som står her må personalet få vite det. 

Strengare reglar kan vere nødvendig for nokon. Det får de i så fall beskjed om.

Dersom barnet bruker faste medisinar, skal desse ikkje takast om morgonen operasjonsdagen. Ta medisinane med til sjukehuset saman med ei oppdatert liste over medisinane barnet bruker. De får beskjed om kva for nokre av dei faste medisinane barnet kan ta før operasjonen. Inhalasjonsmedisin kan brukast som vanleg og takast med til sjukehuset.

På sjukehuset vil personell ta imot dykk, og barnet får delt ut sjukehusklede og seng. 

Ver førebudd på at det kan bli noko venting før det er klart til operasjon.

Under

En ledsagar får vere med barnet inn på operasjonsstua når barnet blir lagt i narkose. Når barnet har sovna, må ledsagaren forlate operasjonsstua.

Munnen blir halde open med eit instrument kalla gag eller munnsperre, som trykker ned tunga. Delar av mandlane blir fjerna enten ved bruk av såkalla termisk energi – i form av ei elektrisk saks – eller med laser.

Etter

Etter operasjonen blir barnet observert på oppvakningsavdelinga. Ein følgesperson kan vere hos barnet så fort det er praktisk mogleg. Kirurgen vil informere om operasjonen og eventuelle forholdsreglar. De kan vanlegvis reise heim 1–2 timar etter operasjonen. Barn må ikkje vere aleine dei første 2 dagane etter operasjonen.

Fråvær frå barnehage eller skule i 1–4 dagar

Foreldre til barn som har blitt operert, har rett på pleiepengar frå første arbeidsdag. Lege fyller ut søknadsskjema før heimreise. Ved behov for pleiepengar, kan de søke om dette til NAV. Fråværserklæring til skule blir utlevert før heimreise.

Reseptar

Barnet får resept på smertestillande medisinar (eResept).

Ved bløding etter operasjonen

Det er ikkje uvanleg med noko blodtilblanda slim. Da anbefalar vi å prøve kaldt omslag på hals/nakke og å suge på ein isbit, spise is eller drikke kaldt vatn. Men dersom barnet blør (meir enn spytt), må de ta direkte kontakt med avdelinga eller ambulanse 113.

Bløding etter fjerning av delar av mandlane skjer ikkje ofte, men kan vere alvorleg. Vi ønsker derfor at de tar kontakt så fort de er det minste i tvil, og har låg terskel for å ringe 113.

Barn bør bli nøye observert dei første dagane etter operasjonen. Det er anbefalt å sove hos barnet eller sjå til barnet fleire gonger om natta. Ei mogleg bløding etter operasjonen vil ein sjå ved blod frå nase eller munn, blodig hoste eller mørk avføring. Også ein stadig svelgetendens hos barn kan tyde på ei eventuell bløding.

Forholdsreglar for å redusere risiko for bløding etter operasjonen:

Trening og aktivitet

Unngå fysisk slit (sport eller gym) og tunge løft i sju dagar. Når blodtrykket stig, utvidar blodkara seg og dermed aukar blødingsfaren.

Dusj og bad

Bruk lunkent vatn i dusjen og badet dei første 2–3 dagane.

Mat og drikke

Unngå varm mat og drikke og mat med skarpe kantar (som knekkebrød, brødskorper, nøtter og liknande) i tre dagar.

Generell risiko og komplikasjonar

Dei fleste har ein del smerter i halsen etter operasjonen. Gi smertestillande medisin etter legens anbefaling.

Det er ikkje uvanleg at øyresmerter oppstår omtrent to dagar etter operasjonen. Øyresmertene kjem av hevelse rundt nervane, som går frå halsen og opp til øyret. Ubehaget kan bli redusert ved at barnet ligg med hovudet eller overkroppen heva.

Det er viktig at barnet drikk rikeleg og ofte. Det kan hindre danning av harde skorper på sårflatene, som kan gi auka smerter.

Andre følger etter operasjonen kan vere

  • endra smakssans
  • hevelse i drøvelen, som kan medføre brekningsrefleks og svelgvanskar
  • lett dårleg ande (dersom barnet blir plaga med sterk dårleg ande, kan dette vere teikn på infeksjon)
  • tannskadar
  • hud- og blautvevsskadar

Sidan ikkje heile mandelen blir fjerna, kan det seinare oppstå halsbetennelsar som treng behandling. Den resterande mandelen kan også bli fjerna i etterkant. I sjeldne tilfelle kan mandelvevet vekse ut igjen og krevje ny behandling.

Ved nedsett allmenntilstand, feber, auka smerte eller problem med væskeinntak, ta kontakt med avdelinga.

Sist faglig oppdatert 07.03.2025

Kontakt

Glasblokkene Øyre- nase -halsavdelinga, barn og unge

Kontakt Øyre- nase -halsavdelinga, barn og unge
Bygning med store glassflater

Glasblokkene

Haukelandsbakken 1

5021 Bergen

Finn fram
Flyfoto av Sentralblokka

Sentralblokka

Haukelandsveien 22

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Det er to HC-parkeringsplassar ved Glasblokkene. ​På grunn av byggearbeid er det elles begrensa med parkeringsplassar.

Besøkande parkerer på parkeringsdekket i Sentralblokka. Her er det også fleire HC-parkeringsplassar.

Meir informasjon om parkering på Haukeland universitetssjukehus 

Ein kan gå mellom Sentralblokka og Glasblokkene innandørs via tunnelsystemet.

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

​I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Praktisk informasjon

I Glasblokkene 5-8 er det ein hovudresepsjon i 1. etasje som betener alle pasientar, pårørande og besøkande til Glasblokkene. Hovudresepsjonen er betent alle dagar frå kl. 07.00 - 21.00. Helg og heilagdager er resepsjonen betent frå 07.30 - 21.00. Her kan du få hjelp til innsjekk, å finne fram, bestille tolk, transport og mykje meir.

I tillegg til hovudresepsjonen er det ein ekspedisjon i tilknyting til mottaket i U1. Denne har ope alle kvardagar kl. 07.00 - 22.30, og frå 08.00 til 22.30 i helg/heilagdagar

Resepsjonen i blokk 1-4 er gjort om til base for vektarar frå hospitaldrift, og er bemanna med vektar 24/7. Her er vektar tilgjengeleg for pasientar og besøkande for enklare førespurnadar og spørsmål.

I innkallingsbrevet ditt står det kor du skal møte på sjukehuset. Dei aller fleste får også ein SMS for ankomstregistrering same dag som timen er. Du kan velge å velge å sjekke inn via SMS på mobilen, eller på sjølvbetjeningsautomat i Glasblokkene.

Dei pasientene som treng eller ønsker det, får hjelp hjelp i resepsjonen.

Når pasienten har sjekka inn, enten via mobil eller på automat, får du SMS med referansekode som viser kva ven​​tesone de tilhører. Du vil alltid få ein SMS for innkalling til rom/sted.

Når timen er over og oppgjøret tatt, får pasientene mulighet til å betale egenandel mm. via Vipps, eller å få tilsendt regning i posten eller nettbanken. 

 

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Du treng ikkje å sitte utanfor behandlingsrommet å vente. Både vaksne og barn kan vente både ute og inne. I inngangsetasjen er det leikerom, lounge, kafé og fleire opphaldsareal. Det er også eit stort leikerom til venstre for den store trappa i U1.  


Ventesonene nær behandlingromma er godt merka. Du vil få SMS om å gå til ventesona når det nærmar seg timen.  

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

Pasientbiblioteket på Haukeland er til for pasientar og pårørande. Her er utlån av bøker, både tekst- og lydbøker, filmar, musikk og tidsskrift. Biblioteket har også mange aviser til utlån, mellom anna alle lokalavisene i distriktet.
For dei som ikkje kan komme seg til biblioteket, har vi et tilbod med boktraller med eit utval frå biblioteket som blir trilla rundt til avdelingane.

Pasientbiblioteket finn du i foajeen i Sentralblokka på Haukeland. Kom innom for ein prat, lån ei bok eller slå deg ned i salongen med ei avis.

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

Meir informasjon på helse-bergen.no/frivillig

Kontaktinformasjon: 

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Telefon resepsjon: 55 97 50 00

I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

​​​​​​​​Besøke pasientar
Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

Betale eigendel
Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

Bestille drosje
Om du ønskjer det, hjelper vi deg gjerne med å bestille drosje. Berre ta kontakt i resepsjonen.

Leitar du etter ei avdeling?
​Sjå avdelingsoversikta

Resepsjonen i foajeen i Sentralblokka er døgnbemanna og hjelper deg i tillegg med:

Lån av rullestol
Resepsjonen låner ut rullestolar til bruk på sjukehuset. For lån av rullestol er det 200 kroner i depositum. ​

Følgeteneste
Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

Oppbevaringsboksar
Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

Hittegods
Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.​​

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.