Vi tilrår at du alltid nyttar siste versjon av nettlesaren din.
logo Helse Bergen

Infeksjon på hjarteklaff (Infeksiøs endokarditt)

Hjartet har fire hjarteklaffar, to på venstre og to på høgre side av hjartet. Infeksiøs endokarditt er ein infeksjon som rammar éin av hjarteklaffane. Sjukdommen oppstår ved at pasienten av ulike årsaker har fått bakteriar i blodbanen, og at desse bakteriane festar seg på dei indre delane av hjartet. Infeksjonen kan gjere stor skade på især hjarteklaffane, men kan også spreiast til andre delar av kroppen.

Symptom

Symptoma på infeksiøs endokarditt varierer. Nokre pasientar får akutt innsetjande feber og frostanfall. Andre opplever generell sjukdomskjensle med eventuell nattesveitte og vekttap over ein lengre periode. Somme pasientar kan få hjerneslag. Dersom du har kunstig hjarteventil frå tidlegare, er du meir utsett for betennelse på hjarteklaffen då bakteriar blir tiltrekte av såkalla «framandlekamar».

Streptokokkar, stafylokokkar og enterokokkar er dei bakteriane som oftast forårsakar bakteriell endokarditt. I sjeldne tilfelle kan endokarditt vere forårsaka av sopp.

Tilvising og vurdering

Du vil bli undersøkt klinisk der vi leitar etter teikn på:

a) skade av sjølve hjarteklaffen ved å lytte på hjartet og lunger

b) skadar i tynnare blodkar dersom endokarditten har fått spreie seg frå hjarteklaffen. Dette kan til dømes ramma blodkar under fingerneglene.

Utgreiing

Vi gjer ei rekkje undersøkingar både for å stadfeste diagnose og for å følgje utviklinga.

Ultralyd av hjartet
Ultralyd av hjartet gjennom matrøyret
MR av hovudet

CT

Ofte er dårleg tannhelse inngangsport til infeksjon. Derfor må du til undersøking hos tannlege/kjevekirurg. I somme tilfelle må tannlegen trekkje tenner for å få bukt med infeksjonen.

Vi vurderer fortløpande om det er behov for andre undersøkingar.

Behandling

Den viktigaste behandlinga mot endokarditt er antibiotika. Antibiotikaen gir vi direkte inn i blodet (intravenøst) gjennom ein venekanyle. Du vil få antibiotika fleire gonger i løpet av døgnet. Mange pasientar vil ha behov for intravenøs antibiotika 4–6 gonger i døgnet i fleire veker, ofte så lenge som 4–6 veker.

Val av antibiotika avheng av kva bakterie som blir påvist. Av og til lèt det seg ikkje gjere å påvise kva bakterie som har forårsaka infeksjonen. Ein vel antibiotika utifrå kva bakterie som mest truleg har forårsaka endokarditten.

På sjukehuset måler vi det jamlege blodtrykket, puls, pustefrekvens og temperatur. Vi tek blodprøvar fleire dagar i veka. Nokre pasientar blir tilkopla eit system for hjarterytmeovervaking dei første dagane av behandlinga. Du kan bli tilrådd å redusere aktivitetsnivået litt for å unngå høg puls.

Dersom skaden på hjarteklaffen er stor, kan det bli nødvendig med kirurgisk behandling i tillegg til antibiotika. Dette inneber open hjartekirurgi; altså at brystkassa blir opna, infisert vev blir fjerna og den øydelagde hjarteklaffen blir erstatta med ein ny kunstig klaff.

Hjarteklaffoperasjon

Vurdering av kven som treng hjartekirurgi, blir fortløpande gjord og i tett samarbeid med hjartelegar og hjartekirurgar. Det kan vere behov for vidare undersøkingar før ein eventuell operasjon. Du vil få intravenøs antibiotikabehandling både før og etter ein eventuell operasjon.

Oppfølging

Etter behandlinga kan du leve som normalt og gå tilbake til det tidlegare aktivitetsnivået ditt. Nokre pasientar blir følgde vidare i poliklinikk på sjukehuset, andre blir følgde av fastlegen sin. Dette får du informasjon om før utreise frå sjukehuset.

Pasientar som tidlegare har hatt endokarditt, vil ha ein noko høgare risiko for å få ein ny endokarditt seinare i livet. Det er viktig med god dagleg tannhygiene og regelmessig kontroll og eventuell behandling hos tannlege.

Hugs alltid å informera tannlege om at du har hatt endokarditt tidlegare, og ta også med vedlagde informasjonskort i samband med andre legebesøk.

Nokre medisinske undersøkingar gir auka risiko for førekomst av bakteriar i blodet og det er dermed også tilrådd med antibiotika i forkant av desse inngrepa. Dette gjeld spesielt trekking av tenner og andre tannkirurgiske inngrep og tannlegeprosedyrar der det er forventa bløding.

Kontakt

Sentralblokka Medisinsk post 5 vest - infeksjons­sjukdommar

Kontakt Medisinsk post 5 vest - infeksjons­sjukdommar

Oppmøtestad

Du finn oss i 7. etasje nord i Sentralblokka på Haukeland universitetssjukehus.

Besøkstider:
kl. 17.00 - 20.00 alle dagar.

Flyfoto av Sentralblokka

Sentralblokka

Haukelandsveien 22

5021 Bergen

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

Opningstider
Måndag-fredag kl. 08.30-18.00, laurdag kl. 09.00-13.00

Telefon 55 97 53 44
Telefaks 55 29 07 40
bergen@apotekene-vest.no

For meir informasjon - sjå nettsida til Sjukehusapoteka Vest

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset​

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

Meir informasjon på helse-bergen.no/frivillig

Kontaktinformasjon: 

Telefon resepsjon: 55 97 50 00

I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

​​​​​​​​Besøke pasientar
Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

Betale eigendel
Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

Bestille drosje
Om du ønskjer det, hjelper vi deg gjerne med å bestille drosje. Berre ta kontakt i resepsjonen.

Leitar du etter ei avdeling?
​Sjå avdelingsoversikta

Resepsjonen i foajeen i Sentralblokka er døgnbemanna og hjelper deg i tillegg med:

Lån av rullestol
Resepsjonen låner ut rullestolar til bruk på sjukehuset. For lån av rullestol er det 200 kroner i depositum. ​

Følgeteneste
Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

Oppbevaringsboksar
Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

Hittegods
Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.​​

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.